|
يا أهــل المحشر بالمحشر غضو الأبصار
يا أهــل المحشر بالمحشر غضو الأبصار حضـرت زهـراء المظلـومة بنـت المختار حضرت وطالب ياناس بجفوف الكافـل عباس جـابـت جـفـينة المكطـوعه وتـريـد الـثـار ....... وكفت الزهرة وحزينة وسط كل هاذ الجمع تحمل إطباق ابأديهه ونور مـن عدهه يشع يسـأل العـرش الــوديعة والخلايق تـستـمع جيـتي أطلبين ثـار الهامة لو كـسر الـضلع لــو جـبد سبـط النبــوة والإمـامة المنـفـجع لـو خدر بنت الهـواشم والـذبيـح المنصـرع تكـله يـارب يا رؤوف جيت اطالب بالجفوف تــرفـع جـفـيـنه المبـتــورة والـكـون احـتـار ....... شلـون منـضر مـذهـل وبيه العـوالم تنــذهل ويـاحـزن يفـتر عليهـم لايـذ بكـتـر الخــجـل صــورة مـا يوصفه احــد ما يـوصفه عـقـل صـوت ما تسمع أكيد وتـرسم صـورة وجـل صوت بس واحد تسمعه هي بت خير العمل تحجي زهـراء الوديعة أمبين اعليهه الزعل تكــله يارب يـا جليل هــاذي جفين الكفيـل جي جــابت مـاي ايكطعـوهــه ذوله الأشـرار ......... طبـق أول للــوديعة يحتـوي جفـوف الكـفيل طلــب ثــاني للـزجـيه والـدمـع منهـه يهـيل تنــادي يــارب اشتـكيلك يــا عليا يـا جليــل طلـب عـنـدي يـا الهــي اطلـب وامـلك دليـل هاذه رأس حسيـن ابنـي بالطبق دمه يسيـل ينذبح يسبـون زينـب يمهه ماكو بس عليـل تكـله يـارب يـا معين تعـلم براس الحسـين عالـرمح يبره الخــواته ويـدري بالصـار ....... شوف أنت شلون منضر تكدر أتشاهد الناس يحضر حسين وتشوفه باقــي آه بـلايه رأس ويا شعور إلي تملكه ويا نفس مثل الأنفــاس ما تحسه وما توصفه فاق مرحلة الإحساس وينه سلابك ييمه وياهو فوك أضلـوعه داس اليوم محكمة الضماير للظلم والدكــله سـاس والحشر مأتم يصير حسين يتنصب أمير والــزهــرة تـميـز شيعـــته وبـيـهـم تخــتـار ...... الشاعر إياد الفرح |
الكريم ايااااد الفرح
ربي يفرحك بشفاعة الزهراء يوم المحشر بحوله وقوته جزاك الله خير |
فضة شملتك شفاعة السيدة الزهراء واسالكم الدعاء
|
اياد الف رح ------ تحرسك الزهراء على هذا العطاء موفق اخي |
| الشبكة: أحد مواقع المجموعة الشيعية للإعلام الساعة الآن: 10:38 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024