منتديات أنا شيعـي العالمية - هــــــاي أم البنيـــــــــن ( تجليبه )

بسم الله الرحمن الرحيم
اللهم صل على محمد وآل محمد وعجل فرجهم

هـــــاي أم البنين ( تجليبه )
ــــــــــــــــــــــــــــــــــــــــــــــــــ ـــــــــ
مجروح گلب الحُــرّه === يحسين يلهب جمره
ـــــــــــــــــــــــــــ
هاي أم البنين المابُطل وَنْهــــا === بقيع الخير حتماً يخبرَك عَنْها
ــــــــــــــــــــــــــــــــــــــــــــــــــ ـــــــ
بقيع الخير گام إينوح ويّاهـــا == يسمعها إو يبث للكون شكواها
مصيبتها أبد هيهات نِنْساهــا == ضياغم أربعه ما خَيّبوا ظَنْها
ـــــ
ضياغم أربعه كُلهم مشوا للموت == صنعـــوه المجد شامخ أبد مَيْموت
والعباس بالكلفات عالي الصوت == رضُع طيب الوُفه طاهر نِبَع منْها
ـــــــ
رضُع طيب الوُفه العباس من دُرها == أمّـــــــه الطاهره وإبنصُرته سَرْها
إذا يغضب عساكر يندحر شَرْها == كفــــــل زينب يداريها إو يعاينْها
ــــــ
كفل زينب مثل ما وصّتَه أمّــه == رضا المعبود دايم غايته إو همّه
سَرْها الطاهره يوم الجَرَه دمـــّــــه == رسم عهد الأخوّه إو شِرْعتَه سَنْها
ـــــــ
رسم عهد الأخوّه إو حقّق المطلوب == رضـتْ أمّه الوفيّه وإبگلب مصيوب
ترسم بالبقيع إگبور بيها إتذوب == تظـل تحلم سواد الليل لو جَنْها
ــــــ
تظل تحلم سواد الليل من يِجْبـــِل == أمل عدها تمُر إطيوف بيها إتْحِل
تشوف الأربعه وإحسين إلها إيْهِل == وإطيــــوف الأحبّه إتروح تِحْزنْها
ـــــــ
وإطيوف الأحبّه اليوم ويّاها == تشيّعها الگبرها إو گاع مثواها
والزهره الزچيه اليوم تلگاها == حوريّـــــات للجنّــــه يزِفْنّهـــــا
ــ
حوريّات تتلگـــه الوفيّه اليوم == إنخاها يشيعي إو لاتظل مهموم
صارت باب للحاجه إو صرح معلوم == هـــــاي أم البنين الصافـــي مَعْدنْها
ــــــ
هاي أم البنين إبشوگ إگصدها == تگضيهــــا الحوايج الله واعدها
إجري إدموع يامهموم ساعدها == والأمّــــــه البَغَتْ مرّات إلعنْها
ـــــ
والأمّه البَغَتْ هيهــــــات تِبْنيهـــا == قبور أهل البقيع إسمع بواچيھــا
يغايب تنتظر نورك يِضَوّيهــــا == وإيد الناصبي توصل إلَك فَنْها
ــــــــــــــــــــــــــــــــــــــــــــــــــ ـــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldkop37656.mp3.htm