[الرجل الحر]

الأخ ابو يوسف التميمي ،،
الظاهر أنك ما تفهم الكلام العربي الفصيح اللي يتوجه إلك ،، لذلك راح أتكلم وياك بالعراقي
أخويه بدل هذ اللف و الدوران و الاستعراض و التهم لهذا و ذاك حاول تتفهم شلون ترد على موضوع نقدي بعلمية ،، اللي يخوض غمار السياسة لازم عليه يفهم أنه عرضة للنقد سواء بالحق أم الباطل و عليه المفروض يترك الردود العاطفية و الانفعالية ،، إذا انتوا مو كد الصراع السياسي و أطروحات النقد اللي تجابهكم عمي شنو الجابكم للسياسة روحوا أكعدوا يم قائدكم بقبر مولاكم المقدس و اشبعوا بركات إلى يوم القيامة ،، حاول أن تتعلم أن السياسة علم و تجربة و عمل و عليه فأنت ناقد و منتَقَد في نفس الوقت و غالب و مغلوب و مهاجم و مدافع ،، أما الكلمات الرنانة و الشعارات العاطفية فهذه عبارات متسولي السياسة و ليس الأطراف الفاعلة فيها ،،

بعدين أنت تبرز عضلاتك علينا و تعرف عن نفسك بأنك إبن أبو مقتدى ما دري ابن مقتدى ما ادري ابن جيرانهم ،، عسى ما تكون ابن بيبية أبوه بالرضاعة ،، شنو يهمنا منك عمي ،، ليش حالياً الصراع السياسي الدائر بالبلد من الداخل و الخارج يقيم وزن لمولاك المقدس مثلاً لو يقيم وزن المفروض لأي شخصية أو تيار فاعل في الساحة الإقليمية و الدولية ؟؟.. أما كونك قريب من مركز اتخاذ القرار السياسي في التيار الصدري يعني أنته بالضبط جوه أيد هنري كيسنجر ابن حجي راضي بالمكتب الخاص للصدر الثالث بالميدان فهذا عمي أيضاً ما أله وزن بعرف السياسة ..

قضية أخرى أحب أنهيها وياك ،، عمي منو كالك إحنا أطفال أو بحاجة إلى وصاية منك أو من قائدك أو من أبوه حتى ،، كافي كل شوية و تطلعنا باستعراض عسكري وهمي احنا حاميناكم و نحميكم ووو عمي بس نريد الله يكفينا شركم و لا ترجع الأيام الكنتو بيها تهاجمون مقرات البدريين و تحركوها على روسهم و الله لا يرجع يوم اللي تعديتوا بيه على حرمات الحسين عليه السلام بزيارة شعبانية كانت بعدها كسر ظهركم إلى هذا اليوم لأن الحسين ما أمهلكم غير اسبوعين و بعدها شن عليكم أبو إسراء صولة الفرسان كسر شوكتكم و مرغ خشم قائدكم بالوحل ..

أبو يوسف أرجوك أخي إذا كان عندك نقاش منطقي بعيداً عن الهذر و الهذيان اللي كاعد تعيد و تصقل بيه و بعيداً عن الثرثرة الصدرية الفارغة اللي نعرفها من زمن المجرم صدام إلى يومنا هذا فتعال ناقشنا ليش منصب محافظ ديالى تاخذوه من حصة الشيعة وتطوه لعمير الحميري ،، عدكم مشكلة ويه المالكي أخذوا المنصب أنتم ليش تطوه لرجل أهل ديالى يعتبروه متواطئ و يه الإرهاب ،،
أتمنى من جنابك أن لا تثرثر هوايه بصفحتي لأن حقيقة مليت منك فإما تناقش أو تترك النقاش لغيرك لأن اشوف المشاهدات كثرت و الموضوع أخذ دوره اللي كان مطلوب منه