[هدوء اليل]

أخلي عيوني بعيونك ولــد عـمّـك يــزفــــونك
يجاسـم ويـن چانـتـلي عرس بس أنگلب چتلي
******
عـمـرثـاني أنكتـبـلي بصيرتــك يـبـني ثبت جرحك عرفــته بگلبي ويحبـني
لچمـتــه ومــا نــزف بالسكـته شيـبـني دفـن حـقـده وكـبـر بس بالكـبر ذبني
أنــاغــي وگـتـلك شلـونك وأحس لــوني بشكــل لــونك
فــرحتي العـيــن جـابتـلي عرس بس أنگلب چتلي
******
أهـزك بالمهــد وتهــزني ألـــك رجـفـه وأشك ميت وأخاف أعذرني من تغفه
أفـــز لـمــن تـفـــز وأگعـــــدلـك بلهـفه وأحظنـك بـيــن أديّــه وبالحظن تـدفه
أحــل أگـمـاطك وعــونك وألــف أذراعــي بــمـتـــونك
حـرب سهـمــيـن ظمتـلي عرس بس أنگلب چتلي
******
عــذابك مي عــذب يرويــني يــولـيـدي شـفـت موتك أجـاك وكلشي مابـيدي
دفـعـتـه ورد دفـعـني وسـلـمـت جـيـدي گـلت عـافك يرمله أتصبري وهيدي
شسوي أحچلي من دونك لــون بـــالطف يگــطعـونك
رحـت للـبـيـن مــاگــتـلي عرس بس أنگلب چتلي
******
عرس لبن الحسن بـــالطف تعرفــونـه شمــــع صيــنـة أخــوكم لا تطفونه
عـمـامه وكـل ولـــد عـمـه اليشرفـونـه تـره بصايـة عــلي الشاب اليزفونه
بــدل زفـتــك يـــذبحونك عـجـــب بــالـــدم يـحـنـــونك
كـفـرصوبـيــن شهــدتـلي عرس بس أنگلب چتلي
******
أسف ماعــدك أخــوه شبيــدي ياجاسم گطع بيك الدهر سيف الدهر حاسم
طحت بس وجهك أبيض والوجه باسم قسـمـتــك يبني هــايه وربك القاسم
صحت بس ما صحت هونك عـلي وعـبــدالله يــــــردونك
نــذر لــديـن كـــل شــتــــلي عرس بس أنگلب چتلي
******
خادم أهل البيت ع علي عربي الكعبي
الفاتحه على روح المرحوم عربي أبن عنيده