[خادمة المنبر]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]طال اغيابـــك ***** وين اصحابـــك
تنصر شيعتنه المظلومه ***** وترجع حك المهضومه
طال اغيابــك
طال اغيابك يبن العتره ..... والشيعه مهضومه اتنادي
مفجوعه ومذعوره الناس ..... من ظيم الصاير ببلادي
انهض يالمنقذ لبلادك ..... وشوف الصار بكبت الهادي
ماظل الغيرك يحمينه ..... من عكبك تيهنه الحادي
ضربو كبة داحي الباب ..... وكبت الهادي بلايه اسباب
بس انت السيف اللي انهابك
اكعد شوف الصاير بينه ..... من بعدك والله انذلينه
شوف الظالم وعملاته ..... حكم الطاغي جار اعلينه
لاتنسه ثارات احسين ..... وعباس وعينه وجفينه
والاكبر والقاسم واخته ..... ودم عبدالله وهظم اسكينه
ماظل يبن الهادي معين ..... معمم ويتاجر بالدين
وبسده اتفجر محرابك
جندوب ونصبر على الظالم ..... طال اغيابك ياحجتنه
يوميه يبجون الشيعه ..... شوف الناس اللي عادتنه
تتأمر كل يوم بحجه ..... نركن للظالم رادتنه
يانور العالم وشعاعه ..... ويادلالي ويا نجوتنه
غيرك ياهو اليخلصنه ..... يوم ايصير اشعظم المحنه
انريد بسرعه تفك انكابك
نريد ابسرعه تظهر النه ..... طال اغيابك ياوالينـــه
اجموع الكفر اتهدم الحضره ..... من عكبك احنه اتاذينه
تيهنه المركب والحادي ..... لدرب الخير انت التهدينه
مولانه اغيابك شطول ..... بالذل ترضه اتخليـــنه
ياذل الحارب بالعتره ..... من يوكف وتكله الزهره
لذبح اولادي انطيني اسبابك
كوم انهض يالغايب دورك ..... واسبابك كثرن ونعدهن
جسر اليمه وكبة الوالي ..... وكبة جدك هاي اخرهن
وايهود الطبت ببلادي..... نسوان وشترجه منهــن
ماينهض بحمولي غيري ..... عندي اسوالف صعب انشرهن
ما احجي عن كل دمعاتي ..... ولا سمعك صدك اهاتي
بس الهدم سوري وبابك
الفلش بيتي وحضراتي ...... ايدي مارجعه منــه
هوه لو واحد بأخواني ...... من الشيعه واله السنه
مّحرم يشرب من مايي...... وصدك ميشم ريح الجنه
ويدنس لوداس اترابي ..... وبدم المسلم يتحنــه
سنه وشيعه احنه اخوان ...... ونصلي ويجمعنه اذان
نتكاتف كل احنه شبابك
طال اغيابك ****** وين اصحابك[/POEM]