[زهرة الفردوس]

اللهم صلّ على محمد وآل محمد وعجل فرجهم الشريف

سلام سلام

الرادود الحسيني باسم الكربلائي

سلام سلام
على كل طعنه وكل طبره بجسمك سلام سلام
سلام سلام
على كل گطره السالت من دمك سلام سلام

ذاك الجبين الي يشع ........................ فوگ العواسل مرتفع
ذاك الجسد يا سيدي ........................ دام السليب المنصرع
ذيچ الدماء الجاريه ........................ ذاك الوريد المنگطع
ابعث سلامي من جفن ........................ البيه تطفح أمواج الدمع

سلام سلام
على صبرك يا مظلوم وحلمك سلام سلام
سلام سلام
على كل گطره السالت من دمك سلام سلام

وياي عايش منظرك ........................ ليل ونهار أتذكرك
لو شافت عيوني نهر ........................ أذكر منابع منحرك
وابدي أسلم عالنحر ........................ وعلى التراب العفرك
كل دمعه من جفني تهل ........................ ترسم لي قطعة خنصرك

سلام سلام
على أحزانك يا حسين وهمك سلام سلام
سلام سلام
على كل گطره السالت من دمك سلام سلام

من أذكر الدم اليسح ........................ من صبري يتهدم صرح
وامزج مناهل عبرتي ........................ دم الوريد المنسفح
كل طعنه كل رمية سهم ........................ كل طبره بيك وكل جرح
ترسم لي صورة مصرعك ........................ وانظر محمد منذبح

سلام سلام
على كل جثه الي طاحت يمك سلام سلام
سلام سلام
على كل گطره السالت من دمك سلام سلام

كل دمعه كل حسرة گلب ........................ كل مفصل بجسمي سأل
يعجبه راسك سيدي ........................ عن جسمك اش لون انفصل
ويرتل آيات الوحي ........................و يتنقل بروس الأسل
سلم على صواب الحجر ........................ عالشيّه بعد دم النزل

سلام سلام
على كل حرف الي كون جسمك سلام سلام
سلام سلام
على كل گطره السالت من دمك سلام سلام

جسمك يا بو الأكبر خذم ........................ بيه تنهش أظفار الألم
من طبره لو طعنة رمح ........................ كل عضو بجسمك ما سلم
أبعث تحيه لكل عضو ........................ من شربة الماي الفرات
ذيچ الشفاه الذابله ........................ لگلبك المصيوب بسهم

سلام سلام
على زودك بالهيجاء وعزمك سلام سلام
سلام سلام
على كل گطره السالت من دمك سلام سلام

نسألكم الدعاء