[** مسلمة سنية **]

ميرسي عالدعوة عزيزتي وفاء ... و بس للعلم ما حكيت مين هاي

اقتباس :

1 - عرفينا عن نفسك شوي ... كم عمرك من أي بلد وزيادة شوي مؤهلك العلمي ؟ عمري 28 سنة ... من فلسطين ... الضفة الغربية ... بكالوريوس هندسة ( ما تسألوني هندسة ايش ) لأني حاليا معلمة و نسيت كلّ الهندسة ... طبعا هاد من فرص العمل المتراكمة بفلسطين ...

اقتباس :

2 - ماهي الآكلات الشعبية التي تشتهر بها بلدك ؟ ممممممم ... كتير شو بدي أذكر لأذكر ... خدي يا ستي ورق العنب ( طبختي المفضلة ) ... المقلوبة ( طبخة زوجي المفضلة ) ... المنسف ... المسخّن ... جريشة ( و لا مرة طبختها :p ) ... شيش برك .......... 3 - وزنك كم ؟ مممممممم ... ما رح اوصف حالي ... بس الحمد لله الوضع تمام 4 - هل انتي متزوجه ؟ أيوه يا ستي تأهلنا و اللي كان كان :p اذا كانت الأجابة نعم هاذي اسئلتك اختي المزوجة .... 5 - هل تعتبرين نفسك ماهرة في مجال الطبخ؟؟ طبخي لزيز ... بس مو مبتكرة ... يعني ما ببتكر أكلات من عقلي جديدة متل بعض الستات ما شاء الله عليهم ... بس الطبخة اللي بعملها بتطلع لزيزة ... يعني فيك تحكي نفسي طيّب بالأكل ... 6 - تجربتك الأولى في الطبخ كيف كانت؟؟ وماهي الوصفة التي قمتي بأعدادها ؟؟ بتذكّر زمان كان عند أهلي عزومة صغيرة ( أقاربنا ) ... و امي مجهزة بدها تعمل قدرة ... و مرة عمي تعبت و أخدوها عالمستشفى و طلعت أمي معها ... فكرك مين ضل بالبيت و كان لازم يطبخ :mad: ... و تخيّلي عزومة ... المهم شتّلت عن ايدي زي الستات المعدّلات و طبخت :eek: ... طلعت حبة الرز مو كتير مفلفلة متل ما بحب ... بس أكلوها :d ... بصراحة ناسية ازا كانت هاي أول مرة ... بس كانت في بداية مراحل الطبخ عندي ... و بتذكّرها لأنها عزومة 7 - ما رأي زوجك في طبخك؟ وأيهما يفضل طعامكي أم طعام والدته؟؟!! بتوقّع بيحب أكل التنتين ... يعني أكلي لزيز و بيحبّو ... و أكل الإم دايما الو نكهة خاصة ربنا يخلّيلنا اميّاتنا و يحفظهن من كل شر ... 8 - ماهي الوصفات التي تبرعين في اعدادها ؟ ورق العنب ... المقلوبة ... الملوخية ... ( بصراحة شكلي رح اكتب الطبخات ياللي بحبها انا و زوجي مو ياللي ببرع فيها !!! ) الحلويات : طابات الشوكلاتة ... ليالي لبنان ... جاتوه الشكولاته بالفواكه المجففه ........ و غيرو آه نسيت شاطرة كتير بالجاج المحشي كمان :p 9- وصفه قمتي بأعدادها وتسببت لكي بالأحراج مع زوجك مع ضيوفك ؟؟.... ياليت تخبرينا عن السالفه شوي اذا فعلا مر عليكي قالموقف .. بصراحة مع ضيوفي مو متزكرة ... بس مع زوجي متزكرة موقف و برمضان ... هاد زوجي ( الله يرضى عليه ) بيحب الأكل الطري ... و بيفضّل وجود الرز كطبق أساسي عالسفرة ... و أنا بيوم من أيام رمضان متل الشاطرات عملت مسخّن مع خبز شراك ( خبز رقيق طبعا اشتريتو جاهز ) ... ما بعرف ازا بتعرفو كلكم المسخّن ... بيكون فيه خبز و جاج و بصل و سمّاق و زيت زيتون ... المهم حطيّت الجاط بطريقة مرتبة عالسفرة مع صحنين شوربة و كاستين عصير و مقبّلات ( و مكيفة على حالي ) ... لما اجا زوجي و شاف السفرة سألني بصدمة و بهدوء : وين الأكل :confused: ..... بما انو ما في رز يعني ما في أكل !!!!! 10 - أدوات المطبخ ,, وصفات الطبخ كيف تتعاملين مع هاذين المصطلحين ؟؟! الأدوات ... الأدوات الأساسية بحب يتواجدو بالمطبخ و بتضايق من المطبخ اللي بفوت عليه و ما بيكون فيه الأدوات الأساسية ( طبعا بحكي من منطلق بعض المطابخ اللي فتتها و لإهمال الست بتكون هاي الأدوات مو موجودة ) ... و صفات الطبخ : بحب اوخد وصفات ... علشان أعرف وفات جديدة ... بس مو كتير بحب اتقيّد بالمقادير !!! او بالمكوّنات !!! يعني بحب أوخد الوصفة و احط عليها لمساتي 11 - سكر , طحين , باكينج بودر, بيض , خميره, ملح, مكسرات, شوكلاته, تفاح, فانيليا, سمسم...... المكونات أمامك اختاري منها وبتكري لنا وصفه واذا مافيها كلافه الطريقه بشكل سريع ؟؟ ممممممممم .... كيكة تفّاح

ميرسي كتير وفاء عالدعوة ... و أكيد انبسطت بمطبخك ان شاء الله دايما عامر ... و بما انك ما قدمتيلنا شي ... بدي اروح اعملي كاسة نسكافيه ... سلام