[** مسلمة سنية **]

اقتباس : المشاركة الأصلية كتبت بواسطة وفاء نادر [ مشاهدة المشاركة ]

ميرسي عالدعوة عزيزتي وفاء ... و بس للعلم ما حكيت مين هاي هههههههههههه يعني لازم تفضحينا ع الهواء عزيزتي كان خليتيها بيناتنا خخخخ منورة ياطيبة بجد وانا ألي شاكرت لك حظور يلااا بسم الله نبدا سوري حياتي ... بس كنت حابة أحكي عالهوا انو ياللي متلك بيتركوا بصمة من أول لقاء اقتباس: 1 - عرفينا عن نفسك شوي ... كم عمرك من أي بلد وزيادة شوي مؤهلك العلمي ؟ عمري 28 سنة ... من فلسطين ... الضفة الغربية ... بكالوريوس هندسة ( ما تسألوني هندسة ايش ) لأني حاليا معلمة و نسيت كلّ الهندسة ... طبعا هاد من فرص العمل المتراكمة بفلسطين ... العمر كله يارب وهلا باهل فلسطين ارض الصمود بجد الشعب الفلسطين معاناتة وصمودة لا يوصف ربي ينصركم ويعجل بساعة الفرج حياتي يمكن في تركيز زيادة عفلسطين لأنها ارض مقدسة عند جميع الأديان و الها اهمية خاصة على مرّ التاريخ ... لكن المعاناة بكل العالم ... و الوضع فعلا مأساوي بصراحة ما بحب احضر أخبار لأنو الوضع بيوجّع القلب ... ما النا غير نحكي ربنا يعجّل بالفرج ... بالنسبة للهندسة ههههههه اطمني ماراح اسألك لأن الحال من بعضو لكن انا عكسك المفروض معلمة بس عطاليه ونسيت ألي درسته هههههههههه الله يعين اللي رح تدرسيهم :p اقتباس: 2 - ماهي الآكلات الشعبية التي تشتهر بها بلدك ؟ ممممممم ... كتير شو بدي أذكر لأذكر ... خدي يا ستي ورق العنب ( طبختي المفضلة ) ... المقلوبة ( طبخة زوجي المفضلة ) ... المنسف ... المسخّن ... جريشة ( و لا مرة طبختها ) ... شيش برك .......... ماشاء الله تبارك الله قسم بربي انا عارفه ان المطبخ الشامي خطييير الله يزيدكم من نعيمه هههه لسّا ما ذكرت شي :rolleyes: 3 - وزنك كم ؟ مممممممم ... ما رح اوصف حالي ... بس الحمد لله الوضع تمام هههههههههه الحمد لله 4 - هل انتي متزوجه ؟ أيوه يا ستي تأهلنا و اللي كان كان الله يهنيكي بزواجك يااااارب تسلمين غاليتي 5 - هل تعتبرين نفسك ماهرة في مجال الطبخ؟؟ طبخي لزيز ... بس مو مبتكرة ... يعني ما ببتكر أكلات من عقلي جديدة متل بعض الستات ما شاء الله عليهم ... بس الطبخة اللي بعملها بتطلع لزيزة ... يعني فيك تحكي نفسي طيّب بالأكل ... ههههههه ياويلي منك قسم بربي انا من تقابلت معك اول مرة قلت هالحرمه مو هينه بعدين انتو بنات الشام ماشاء الله عليكم طبيخات نفسكم في الأكل يختلف عنا بنات الخليج لكن حنا بعد طبيخات أكييييييييييد ... و انا بحب الطبخ الخليجي ... متل الكبسة و المندي 6 - تجربتك الأولى في الطبخ كيف كانت؟؟ وماهي الوصفة التي قمتي بأعدادها ؟؟ بتذكّر زمان كان عند أهلي عزومة صغيرة ( أقاربنا ) ... و امي مجهزة بدها تعمل قدرة ... و مرة عمي تعبت و أخدوها عالمستشفى و طلعت أمي معها ... فكرك مين ضل بالبيت و كان لازم يطبخ ... و تخيّلي عزومة ... المهم شتّلت عن ايدي زي الستات المعدّلات و طبخت ... طلعت حبة الرز مو كتير مفلفلة متل ما بحب ... بس أكلوها ... بصراحة ناسية ازا كانت هاي أول مرة ... بس كانت في بداية مراحل الطبخ عندي ... و بتذكّرها لأنها عزومة أيه ذكرتك بالذي مضى صح ؟؟!! هههههه يلااا ارجعي للواقع وخلنا نكمل بقية الأسئلة ألا فات مات ههههههههه آه و الله ... تخيلي حكي يمكن قبل 10 سنين ... 7 - ما رأي زوجك في طبخك؟ وأيهما يفضل طعامكي أم طعام والدته؟؟!! بتوقّع بيحب أكل التنتين ... يعني أكلي لزيز و بيحبّو ... و أكل الإم دايما الو نكهة خاصة ربنا يخلّيلنا اميّاتنا و يحفظهن من كل شر ... الله يعطيهم الصحه والعافية وخليهم لكم انا بس حبيت اطمن ان جهودك مقدرة آه طبعا مقدّرة ... ما أحلاها و هي مو مقدّرة :mad: :p 8 - ماهي الوصفات التي تبرعين في اعدادها ؟ ورق العنب ... المقلوبة ... الملوخية ... ( بصراحة شكلي رح اكتب الطبخات ياللي بحبها انا و زوجي مو ياللي ببرع فيها !!! ) الحلويات : طابات الشوكلاتة ... ليالي لبنان ... جاتوه الشكولاته بالفواكه المجففه ........ و غيرو آه نسيت شاطرة كتير بالجاج المحشي كمان ماشاء الله تبااااااارك الله اختي مسلمة تراكي بجد جوعتيني وانا صايمه رفقاً عزيزتي وجعتي قلبي بهالأكلات الذيذة ههههه هلّا أكيد صرتي مفطرة ... يعني ممكن أحكي اني نسيت كمان اني شاطرة بالمعجنات و خصوصا البيتزا 9- وصفه قمتي بأعدادها وتسببت لكي بالأحراج مع زوجك مع ضيوفك ؟؟.... ياليت تخبرينا عن السالفه شوي اذا فعلا مر عليكي قالموقف .. بصراحة مع ضيوفي مو متزكرة ... بس مع زوجي متزكرة موقف و برمضان ... هاد زوجي ( الله يرضى عليه ) بيحب الأكل الطري ... و بيفضّل وجود الرز كطبق أساسي عالسفرة ... و أنا بيوم من أيام رمضان متل الشاطرات عملت مسخّن مع خبز شراك ( خبز رقيق طبعا اشتريتو جاهز ) ... ما بعرف ازا بتعرفو كلكم المسخّن ... بيكون فيه خبز و جاج و بصل و سمّاق و زيت زيتون ... المهم حطيّت الجاط بطريقة مرتبة عالسفرة مع صحنين شوربة و كاستين عصير و مقبّلات ( و مكيفة على حالي ) ... لما اجا زوجي و شاف السفرة سألني بصدمة و بهدوء : وين الأكل ..... بما انو ما في رز يعني ما في أكل !!!!! ههههههههه متأكدة ان زوجك فلسطيني ؟؟ قسم بربي كأنك تتكلمي عن واحد سعودي هنا رجالنا مايعترفو ألا بالرز هههه فلسطيني أبا عن جد و الله ... و لو شفتيه مسكين كيف بيتطلّع عالسفرة و مصدوم و بيحكي : وين الأكل :confused: ؟؟؟!!!!! بس الله يرضى عليه حسّ انو الدنيا رمضان و عالفطور فما حب يضايقني ... اكل شوي ... و بعد الفطرة سمعت ياللي فيه النصيب 10 - أدوات المطبخ ,, وصفات الطبخ كيف تتعاملين مع هاذين المصطلحين ؟؟! الأدوات ... الأدوات الأساسية بحب يتواجدو بالمطبخ و بتضايق من المطبخ اللي بفوت عليه و ما بيكون فيه الأدوات الأساسية ( طبعا بحكي من منطلق بعض المطابخ اللي فتتها و لإهمال الست بتكون هاي الأدوات مو موجودة ) ... و صفات الطبخ : بحب اوخد وصفات ... علشان أعرف وفات جديدة ... بس مو كتير بحب اتقيّد بالمقادير !!! او بالمكوّنات !!! يعني بحب أوخد الوصفة و احط عليها لمساتي هممممم جميل جداً كل مراة لها لمساتها الخاصة ع كل طبق حتى لو الوصفة ماخذتها من النت او غيره صح ... أكييييد 11 - سكر , طحين , باكينج بودر, بيض , خميره, ملح, مكسرات, شوكلاته, تفاح, فانيليا, سمسم...... المكونات أمامك اختاري منها وبتكري لنا وصفه واذا مافيها كلافه الطريقه بشكل سريع ؟؟ ممممممممم .... كيكة تفّاح ياسلام احب اي شي فيه تفاح بس وين الوصفة ؟؟؟!! شكلك مستعجله ع الحوار العقائدي معذورة ههههههههه ههههههههههههههههههههههههههههههههههههههههههههههه بصراحة ضحكت على كل تعليقاتك و خفة دمّك ... بس هاد اكتر تعليق ضحكت عليه ... طيّب بما انكم عارفين الوضع بتحرجونا ليييييييييييييييييه :p ميرسي كتير وفاء عالدعوة ... و أكيد انبسطت بمطبخك ان شاء الله دايما عامر ... و بما انك ما قدمتيلنا شي ... بدي اروح اعملي كاسة نسكافيه ... سلام هههههههههههههههههه السموحة عزيزتي وعذريني ع التقصير اختي مسلمة سنية بجد من قلبي شكراً ,,كثييييييييييييييير استمتعت بالحوار معك يابخت العقائدي فيكي ربي يحميكي وخليكي لزوجك وأهلك ويوفقك في حياتك الزوجية والمهنية اسعدني حظورك,,, ديناميكه ولطيفه وروحك حلو بجد نورتيني وشكراً لقبولك الدعوة مرة ثانيه تحياتي لك اختي العزيزة غمرتيني بلطفك عزيزتي ... مع انك ما ضيفتيني و لا كاسة قهوة و لا كاسة شاي ... أحكي لك ما بحب الشاي و لا القهوة بفضّل النسكافيه

على فكرة ... من زمان بشترك بمنتديات و دايما طبعا كنت بس اشارك بالأقسام النسائية : أزياء , مطبخ , ديكور ... و وضع اني اشارك بأقسام جدّية و للجنسين وضع جديد تماما و تم فرضه علي الوضع اللي و التغيير اللي مرّيت فيهم ... فجد سوري على تقصيري معكم ... و انا أكيد حابة أتواجد أكتر معكن بس الظروف بتحكم <<< الأخت مصدقة حالها كتير صح :p

استمتعت كتير بهالزيارة الناشفة :mad:

موفّقة غاليتي لكل خير ... تحيّتي