[3li]

بِسْمِ اللهِ الْرَّحْمَنِ الرَّحِيِمِ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ وَالْعَنْ أَعْدَائَهُمْ
يحسين اباسمك نادينه
****
يحسين الباري خصصنه
ابفاضل طينتكم طينتنه
شيعه اوبالدم لك وقعنه
اومن عالم لرواح ابدينه
يحسين اباسمك نادينه
****
ابلرحام اسمك ظل ويانه
يحسين اوهو الغذانه
اوظل ساري ابشريان ادمانه
واعلى اسمك احنه اتربينه
يحسين اباسمك نادينه
****
شيعه احنه ابحبكم مفطومه
واتلولي امنه ابوقت النومه
احسين احسين ابن المعصومه
واول منطقنه اتحجينه
يحسين اباسمك نادينه
****
ابكل خطوه نلهج حب باسمك
لو طحنه اتجينه ابرحمك
يانسمة عيد احنه انشمك
اومن نقعد وانقوم امشينه
يحسين اباسمك نادينه
****
استاذ الامه امسمينك
اتعلمنه الدين اعلى ايمينك
احكام اوشرع الكل دينك
صمنه اوحجينه اوصلينه
يحسين اباسمك نادينه
****
عشنه اسنين العمر اوياكم
اوضقنه المر من شراعداكم
اوقطعنه الحاقد بهواكم
اوذرانه ابكل ابلادينه
يحسين اباسمك نادينه
****
عايش وسط اقلوب الشيعه
يلامرك واجب وانطيعه
اويلحبك نشريه منبيعه
اوهالحب للجنه ايودينه
يحسين اباسمك نادينه
****
كل شيعي ابحبك مجنون
واحروفك نور الهالكون
حاء او سين او ياء او نون
وابنور احروفك جنينه
يحسين اباسمك نادينه