[فاطمة ام ابيها]

طريقة عمل الساقو بالصور


المقادير :

2كاس سكر نلحظ رح يكون كاسين منفصلين عن بعض
يعني وحد نستخدمه اول والثاني بعدين مثل الصور تحت
2كاس ساقو حب مومطحون
كاسين ونص ماء مغلي << مغلي ديرو بالكم
ملعقتين ونص هيل
وحد زبده
3 ملاعق زعفران ادا كان نوعيه عدل ادا تبي يصير
احمر وادا تبي يصير اصفر ملعقه ونص زعفران مدوبه في نص كوب ماء ورد
مكسرات مطحونه
او جوز هند براحتكم





الطريقه :

نخد قدر ونظيف فيه السكر



وندور فيه مني لين يدوب السكر ويصير مثل الكرمل
بني الون

رح يكون جدي اول ما يبدى يدوب وتضل تحرك فيه لين يصير لونه بني مو غامق محروق حتى ما يصير مر



بعدين هني تديرو بالكم وتعلنو حالة الاستنفار في المطبخ ههههههه
في دي الخطوه نخد كاسين ونص ماء مغلي ونظيفه على السكر المحروق
ديرو بالكم من جد هني رح يطلع بخار وايد وايد ويطشر
فبتعدو عنه



هني طبعان رح نخد الساقو بعد ما غسلناه ونقعناه زين وصار لين
ربع ساعه تكفي لو اقل منها
نصفيه عن الماء زين بمنخل
ونظيفه عليه




ونحركه شوي
بعدين نظيف الكوب الثاني الي بقى
على الساقو بس نلحظ ادا تبونه حالي اي سكر زياده نظيف الكاس كله وادا وسط نقلل السكر فيه
حسب الرغبه الي تبونها




هني يفضل انو نسخن الزبده لمن تصير دهن معروفه دي
بس ليش مستعيلين حطينا زبده كامله من غير تسخين
نفس الشي بس لمن نسخنها تعطي رائحه وطعم حلو
ونظيف بعدها الهيل المطحون



ونحرك زين لمن تختفي الزبده
والهيل مع بعض




بعدها نظيف الزعفران ومثل ما قلنا اصفر نقلل والاحمر نزيده

ونحرك مني لين يتلون تماما

يفضل انو نغطي الصفريه بالمنيوم <قصدير ونتركها 10 دقايق على نار هادئه



طبعا ما ننسى نحركه
ونتاكد من انو الحبات اختفت او شبه مختفيه على حسب الرغبه
ناس يفضلون فيه حبات شوي

بجدي خلص عندنا ما يسما بساقو
ونبدي نحطه بالصحون او اي شي تبون



نحط على الويه اي شي تبونه بختياركم ورغبتكم تحطون مكسرآت آو آي شي للتزين ..

[حبيبة الحسين]

مشكورة اختي لهذه الوصفة الرائعة
عاشت الايادي غاليتي

[فنون الليل]

يسلمووووووووووو اخيتي
يعطيك العافيه

[نرجس*]

[لحن الشجن]

سـآقوووو اللاي ونـآثة

امووت فيهـ طعمهـ رهييب يجنن

يسلمو غلاي ع الطرح

[لحن القمر]

ياااااااااسلام على الساقوا الاكذا ..
وشاطرين اهل البحرين في هــ الاشياء ..
تسلم ايدش عزيزتي ..


تحياتي لكم
لحن القمر