كلها توكع من وكع حسني الخفيف
من بعد حسني فلا يبقى صنم
اليوم حكام العرب تصبح غنم
شجره يبست والامر هذا انحسم
والربيع اتحول اعليهم خريف
...............
يا مسلسل طول علينة سنين
وانتهت حلقاته بيد الثائرين
واحله حلقه البيها زين العابدين
شارد وما أله عون ولا حليف
................
من بعد ما خلصت الثوره بمصر
معمر القذافي كايم يحـــــــتضر
يكول يم جدي اريد احفر كـــــبر
وها لعقيد اتحول الليله عريف
.................
ياشعب صابر مثل شعب اليمن
واجمل الثورات في صعدة وعدن
يا ابن صالح ولك حضر الجفن
الشعب ما راد دم رايد رغيف
...................
يمته عن المملكه نسمع كلام
وتشرد ال سعود من بيت الحرام
ونبني كبر المصطفى واله الكرام
ونوصل الربذة لابا ذر العفيف
....................
وصرخه بالبحرين ما تقبل تهيد
للــــــملك هيهات ما نصبح عبيد
شيعه احنه ورافضه لكطع الوريد
ويرخص دمانه لبو اليمه الشريف
كلها توكع من وكع حسني الخفيف
العرض العادي
