شجاعة العباس عليه السلام
مــن هجم عباس فركها الصفــوف .... ومـنه فرت شارده ذيج الألـوف
منه فرت خـايـفه اتـصيح ابــــــوجل .... حـــايـره الفـرســان والجيش انذهل
جنه ملك الموت للحـــــــــومه نـــــزل .... أوسجدت للسيفه ابفخـر كل السيوف
نـــــــزل للميـــدان جـــنه زلـــزلــــــــه .... حــي ابــو فاضل ابن عقد الولــــــــه
هـذا اخـو زينـب حليف المرجـــــــــلـه .... نــزل وي عباس جن وحي الحتوف
صار بــركاب العده سيفه ايحــــصد .... والــذي اتحــداه ســالم ما يـــــرد
اهـو الآمــر صـار والسيف العــــــــــبد .... منهم الموت الحمر صارة تشــوف
شاهــــــدة مــــــوت الحــمر بعــيـونـها .... اوســيف ابو فـاضل صبح طاعونها
زعزع العـسكراوهـــــــــد حصونها .... مثـل بــرق البلسمه عليها يطوف
مثــل رعـد اتكـول بسماع العـــــــده .... اوشبه بـرق عليها يضـوي امـهنده
بالـــرمح والسيف راواهـا الــــــــرده .... جثــث خلاهـا على أرض الطـفوف
جثــث خــلاها بــرمحـه اوصـارمــه .... والـنعــــــم منك يبن حامي الحمه
صارت الدنـيــــــه عليـهم مظـــــلــمه .... تريـد وادي كربـله بسرع تعــوف
اتعـوف وادي كربـلـه بسـرعه تفر .... ضاكت اعليها الوسيعه والفكـــر
هـــذا شـبل المرتضه فـارس بــــــدر .... رهبه مايعرف ولا يعرف الخوف
رهبه ما يعــــرف ولايعـرف وجـــل .... مثـل لــيث الغاب ابـو فاضل حمل
شتت بسيفه الجـمع اوللشاطي وصــل .... ذكر طفل حسين ابو كلب العطوف
ذكرطـفل حســـين ودموعه همــلن .... نشـف ثــــدي امه يـولي من الـبـــن
شنهو ذنبه هالطـفل ويلي امتــــــــحن .... يبس جبده من الضمه اولونه مخطوف
انخـطف لونه من الضمه وجه الرضيع .... والــرباب اتصـــيح من كلب وجــــــيع
ياحفـــيد المصطفه الهــــادي الشـــــفيع .... ذاب جـــبد الطــفل وأشرف عل حتوف
رمـــه الماي اوما شرب ابن الولــــــــي .... شلـــون اشـــرب وابـــو اليـــمه مبتـــلي
اوجـبد سـكنه من العـــطش يغلـي غلي .... اوعـله ظـهر ام العـــله الحره الزحوف
طـلع من الــنهر وارخـــه الجـــامــــها .... اتلكـــته ابحـــيله اوغـــدر ضــلامـــها
بلـعمد راسـه انهــشم ضــرغـــامـــهه .... طاح ويـــلي اوطاحت اويــاه الجفوفٍ
خادم اهل البيت
كاظم الشيخ موسى قسام
شجاعة العباس
العرض الشجري