[ابو معاد النجفي]

مثلك فلا حبيت يانور العيون..عن يامحب بالكون انتم تسالون
سلوة حياتي..انت امنياتي
حكهه تكول الناس بيك انه مجنون


مثلك فلا حبيت وبروحي انته
بالزغر عل الدلال اسمك طبعته
بالكلب صار وسام وبروحي شلته
اجمل اسم بالكون بيدي كتبته
اسمك كتبته..بكلبي طبعته
ابقه اظل للدوم بيك انه مفتون

عاشك واظل للدوم هوه الي محبوب
وتحطه وسط العين يسكن بالكلوب
نوره يشع للناس ويضوي كل صوب
وبيه الهدايه اتكون وبعتبته اتوب
ابعتبته انتوب ..يانور الكلوب
حبه طبع بالروح لاتكلي اشلون

صح الغرام انواع ونشوفه فضاح
يبقه بخيالك دوم مامنه ترتاح
محبوبي ياهل الناس اتحبه الارواح
اتمنه كو ويايه لن نوره ومصباح
من عطره هالفاح..كل مسه ومصباح
افدي العمر لحسين ياريته ايكون

اصرخ بعالي الصوت حبيت الحسين
وانذرت هاي الروح فدوه للطيبين
كلمتك صارت سيف تعله الدواوين
كلمن كصد لحسين يمشي نهارين
يا من تحب حسين .. شوف الملايين
حبته مثلي الناس والكل يزورون

حبته كل الناس عالفطره والدين
وكلمن يجيه مولود يسميه الحسين
عاش بضمير الكون كل هاي الاسنين
هوه النفس بالروح والضوه للعين
يانور العيون ..بيك انه مجنون
يعينك لو تنخاه بس اطلب العون


خادم اهل البيت
ابو علي السعيدي