[خالد محمد مهدي]

((داحي الباب ))
***--------------------***
طاح الليله داحي الباب ** وتوضه بالدمه المحراب
***********
أسمع يالتناشدنــــــــي **شخبرك عن أبو الحسنين
علي در وذهب صافي **مصوَّر حيدر بكونيــــــن
علي يعني ســراط الله **مثله أبد ماكو أثنيـــــــــن
بيمنه جاهـــــد وسيفه **وجف عونة المحتاجيــن
علـــي القرآن والقبله ** علي نور وأبو النوريـــن
الحق مافرگه فد يوم **وميزانه عدل كفتيــــــــن
ضربته مالها ݘاره
سباها العده فقّاره** ذل بيمينه كل لرگاب
*****************
أمر محتـــــــوم ومقدَّر ** يتخضَّب بضرب الهام
ومصابه يجر الويـــــل ** بينه يزيِّـــــــــــد الآلآم
ماتمم صلاتـــــــه اليوم ** هذي فرحــــــة الظلآَّم
جرحه نزف من الـــسم ** ولا هل اللليله تم صيام
عنهم صدك راح يروح ** عين العايلــــــــه متنام
الشمل من بعده شيلمه **تصبّح عيلتــــــــه أيتام
صعبه الفرگه ياكرار
عليك دموعنه مدرار **مصدوم الكلب منصاب
******************
نايم عله فراش الموت ** وصه الحسن بالمأسور
ضربه بضربه خلّيها **بشرع دين النبي المنصور
عليَّه دارت الايام ** وعليكم يبوي أدور
واحد بالجبد ينسَم ** وا حد بالفله منحور
وختكم زينب وصيتي ** بدي الدنيه بيها تجزر
بظهر الكوفه دفنوني ** ألي بها اللحد محفور
هاي الليله أودعكم
آخر يوم أظل يمكم **الحم للسبب الاسباب
****************
بعد ياجف يحامينـــــه ** يرد الظيم لوجانه
بعدك ياوصي الاسلام ** اليتامه تنام جوعانه
وحقّه للأســـير يضيع ** دين أنهدت أركانـه
ذيبــــݘ يالسقيفه اليوم ** غرس بالدين نيبانه
بده بيــك الغدر مولاي ** بدت لشرور تلفانه
رادوا ننسه ذكر أسمك ** ياهو الينسه عنوانه
لاخر يوم ماننســـــاك
فخر لمّتنه تحت لواك ** واليناك يابو تراب
**************
الگلب يبݘي بدمع لعيون** جرح يكبر ولايلتم
يوميه علــــه حد السيف ** الك حطوات نتقدّم
هويتنه علـــــــي وحبه ** وسام من الله نوسّم
خلي الجور خلي الظيم ** بينه أيمس ولانهتـــم
اشهاده ألنه مثلهم ثوب ** بالسيف القتل والســم
دمانه فاضت بحبهم **مثل مافاض منهم دم
هذا الشان للعترة
محبتهم عله الفطره ** عتره طاهره الانساب
****************************************

[عبدالله خلف العتابي]

كوه الله حيلك ياخالد
وتسحرني من تكتب شعر
ولازم اتهز المشاعر
وضاع الحجي وراح
وبس ظلت كلمة التستاهل
تلميذك المبتدا
العتابي

[خالد محمد مهدي]

بسم الله الرحمن الرحيم
مروركم شرَّفني وكلامكم اسعدني
شكرا ممنون
((التوقيع))
هنانه جنَّــــــة الحسين
جنَّـــــة البرزخ حسين
جنـة المحشـــر حسين
أنموت وحِيَتنَه محبِتَه
خدّام صَحنَه وكبّتَـــه
الخادم

[صفاء العامري]

شكرا اخي شعر روعه

[صفاء العامري]

ياامير المؤمنين

[خالد محمد مهدي]

بسم الله الرحمن الرحيم
شكرا لهذا المرور الكريم
شكرا // ممنون
التمسكم الدعاء
الخادم أن شاء الله
(( التوقيع))
أحنه من فطنّه أعرفنه لحسين
وغّذانه الرحم من فطرة الروح
بشراييني نمت لحروف نبضات
تنبض بالورد وعطورهه تفوح
مايمنعني عنَّه وكلبـــــــي ويَّاه
من يوم الطفوف بصفَّه مذبوح