[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

وإشلـــــــون إتعوفـــــــك ( عكيليـــــــه )
ــــــــــــــــــــــــــــــــــــــــــــــــــ ــــــــــــ
زينب يحسين إمأسريها === وإشلون إتعوفــك تاليهــا
بالحـــــــومه إو ما مدفــــــــون
ــــــــــــــــــــــــــــــــــــــــــــــــــ
وإشلون إتعوفك حيرانــه == ما ﺗﮔــدر تمشي إو ولهانه
لو تترك ضعنك مولانــــه == لو تمشي إو صبرك يرويها
وإشلـــون إتعوفــــــك تاليهـــــا
بالحـــــــومه إو ما مدفــــــــون
ــــ
وإشلون إتعوفه الكافلها == والروح إبحيره إتسائلها
خليني الآلام أحملهـــا == آلامي الكافل يمحيها
وإشلــــون إتعوفـــــك تاليهـــــا
بالحـــــــومه إو ما مدفــــــــون
ـــ
وإشلون إتعوفك ما ﺗﮔدر == إسمعهــــا إتنادي ياحيدر
إبنك فوﮒ التربه إموّذر == يحسيـــن إمصابك عاميها
وإشلــــون إتعوفـــــك تاليهـــــا
بالحـــــــومه إو ما مدفــــــــون
ـــــ
وإشلون إتعوفك يالظامي == جرحـــــك بالدلال إو دامي
نادت زينب ياأحلامــــي == بس نورك إنتَ اليشفيها
وإشلــــون إتعوفـــــك تاليهـــــا
بالحـــــــومه إو ما مدفــــــــون
ـــــ
وإشلون إتعوفك ما تدري == صاحـت ياخويه إو ياعمري
آني إختك يحسين إبجمري == روحـــي الوجّت من يطفيها
وإشلــــون إتعوفـــــك تاليهـــــا
بالحـــــــومه إو ما مدفــــــــون
ــــ
وإشلون إتعوفك بالحومه == إختـــك يحسين المظلومه
وإتشوف الظالم وإغيومه == راســـــك يحسين إيباريها
وإشلــــون إتعوفـــــك تاليهـــــا
بالحـــــــومه إو ما مدفــــــــون
ــــ
وإشلون إتعوفك يافادي == دين الحق ياإبن الهادي
عنّك تمشي إو يحدي الحادي == وإضعونــــــك كافـر يحديها
وإشلــــون إتعوفـــــك تاليهـــــا
بالحـــــــومه إو ما مدفــــــــون
ــــــ
وإشلون إتعوفك زينبكم == نبعة طه الهادي جدكم
عزة زينب من عزتكم == زود الكــــرار اﻟﻳﺳﮔﻳﻬــا
وإشلــــون إتعوفـــــك تاليهـــــا
بالحـــــــومه إو ما مدفــــــــون
ــــــ
وإشلون إتعوفك هالحرّه == صارت مثل الأم الزهره
ما عافت حيدر وإبجمره == لكـــــــن ظلام إمحوطيها
وإشلــــون إتعوفـــــك تاليهـــــا
بالحـــــــومه إو ما مدفــــــــون
ـــــ
زينب نادت هايعيونـــــي == ﺷﺗﮔــول إبذوله اليردوني
أمشي إيسيره إو مَيْرحموني == إختـــــــك يحسين إمْحَيْريها
وإشلــــون إتعوفـــــك تاليهـــــا
بالحـــــــومه إو ما مدفــــــــون
ــــــــــــــــــــــــــــــــــــــــــــــــــ ــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldxjq32484.mp3.html