[ثورة الحسين]

لصولات الطفوف حسين وشمه
وكمر هاشم لروس العده وشمه
وكمر هاشم لزينب دنك وشمه
شم ريحة فاطمة وسيد البرية

لوحضر ملك الموت لقلمي وصيتي
يكتبلي اسم حسين بكبري وثنيتي

صار القلم مرهون لحسين والعباس
بس يغلط وياهم يفقد الاحساس

قلمي من سنين خلص يعباس
للورقة بس يوصل يكتب باحساس

كمت احجي وي القلم حب حسين جنني
كام القلم يحجي وياي حسين زورني

القلم مني ضاع جنت اجنوني
لحسين بيش اكتب قلمي عيوني

البست هدم الزين لحسين ازور
بعيوني شفت القلم يملضريح ايدور

اتعاهدنه بالعباس اني وي قلمي
مانتفارك ابد لحسين نبجي

اصبحنه مسرورين اني وي قلمي
نكتب للحسين بشوك علمه وي علمي

اتمشه اني العصر وي قلمي احجي
انزور حسين كتله قلمي يبجي

صرت اله ممنون بس هو فاهمني
من اكتب للحسين هو حاملني

اتكابلت وي القلم لحسين نبجي
شفنه البجي ميفيد بالموت نحجي

شافاني يوم القلم وي روحي احجي
اتوسل برب الكون لحسين ابجي

اتوسلي بحسين مثلك احب
بالاجر اني وياك بيه تكتب

طحت بفراش الموت قلمي كدامي
نازعني ملك الموت لحسين عنواني

ياقلمي الله عليك لاتنسه وصيتي
اكتبلي اسم حسين بكبري وثنيتي



بقلم خادم اهل البيت
عبدالله الشاعر

الدارميات هي نفس السابقه لكنها تم تنقيح الاخطاء فيها ارجو ان تعذروني
وان تنتضروني في قادم الايام
تحياتي