[الشاعر الغريب]

بسم الله الرحمن الرحيم

اللهم صل على محمد وال محمد وعجل فرجهم وفرجنا بهم ياكريـــــم

قصيدتي بعنوان ياكربلاء اهديها الى اخوتي شعراء واعضاء منتديات

شيعي انا المباركه واسالكم الدعاء


ياكربــــــــــــــــــــــــــــــــــــلاء

نهجُ الحُسين ***** سُر اليقين

نحنُ فداء ***** ياكربـــــــــلاء

*******************

الحمد لله شيعه الباري خالقنه

وبنهج النبي واّله تمســــــــــكنه

شهامه وغيره من عدهم تعلمنه

وعلينه مو جديده لو نزف دمنه

صبرٌ طويل ***** دمٌ يسيل

دمُ الأباء ***** ياكربـــــــــلاء

**********************

بطريق الطف من دمنه رفعنه اعلام

ورسمنه اجمل صور مامرت برسام

مناحرنه التكطعت صارت الاقــــلام

وكتبتله شعر يتــــــــــــحده بالظلام

احلى الكلام ***** حبُ الامام

يزهو اللواء ***** ياكربـــــــــلاء

********************

خدام انخلقنه من اجل الحســـــــــــين

ودمعنه اصبح حبيب وتعشكه الخدين

يلوم المافهم معنى العشك بالديــن

وجنهه قنبلة ذره دموع العيـــــن

رغم الخصوم *****حزنٌ يدوم

فيه الولاء ***** ياكربـــــــــلاء

******************

دنيه الجور كل ساعه تمر بحـــــــال

تحدينه المحن صرنه بوجهه اجبــال

وكتبناله قصص ما تخطر اعله البال

للعالم صبحنه العبره والامثــــــــــال

صوتُ الموالي ***** يزهو وعالي

يبقى النداء ***** ياكربـــــــــلاء

************************

شيبنه وبعدنه بالمحبه اصغـــــــــــار

وصغـنه من دمانه السالت الاشعـــــار

وفينه بالعهد ضحينه للاطهــــــــــــــار

كفيل الطف علمنه الوفه وأيثــــــــــار

رغم السيوف **** فيك نطوف

رمز الوفاء ***** ياكربـــــــــلاء

*******************

اسم حسين نطرزه من دمع العيون

مجانين بمحبته والجنون افنــــون

مجانينه بعقل وبشيمه ينعرفــــون

واشهر صيت ناله عابس المجنون

فيه نذوب ***** لا لن نتوب

تجري الدماء ***** ياكربـــــــــلاء

********************

ضربنه اروع مثل للقاصي والداني

ولو تحجي الدمه جا صاح شرياني

يصيح حسين دربي وتاج عنواني

ومن دمه المقدس منهج ايماني

نهجٌ قويمٌ ***** دربٌ عظيمٌ

الفٌ وياء ***** ياكربـــــــــلاء