كَالولي بسَّكْ دَمعْ
كَالولي بسَّكْ دَمَعْ = موخافْ تِعمَه الــعينْ
كَتلهُم اطفي الجّمُرْ = والدّمع هوّ الدَّيـــنْ
منْ ابجي طول العُمرْ= ماأوفي حق احسينْ
****************
كَالولي بَسَّكْ حزنْ = يكفي بعَــــــدْ ياصـــاحْ
كَتلهم اسمه الفَـــرحْ = من أحَزنْ آنه ارتاحْ!
الحسين هـــو الأمَلْ= ول كل قُفُـلْ مِفتــــاحْ
****************
كَالــولي بسَّك لَطُمْ = تلـطُمْ اسنينْ اشْصـــار!
كَتلهُمْ ادمي الصَّــدرْ = مهمــا جــَرالي اوْصارْ
احسينْ هوالذُّخـــرْ= اوبايدَه يطـفيّ النـَّـــارْ
*************
كَالــولي بسَّكْ مـَـشي= مــــاتتعـَـبْ ابمَمْشاك!
َكِلنهه اونكَــولْ اوْبَعدْ= بأرواحـــنه نِــفــْــداكْ
المِشه ابيـــادهْ إلــه= يلكَه الشَّفــــاعَـه اهــناكْ
***************
او كَالولي بسَّكْ تــوِنْ= ونَّه اعلــه ونَّه اتموتْ!
كَتلهـُــــم ْاللّي يـِــوِنْ= ابحــسينَّـــه مَبــخُــــوتْ
صَكْ مِنْ عــلي والده= للجنَّه بيـه ايــفـــــــوتْ
**************
اوكَــالوْاوكَـــالــوْ بعــدْ = الشِّيعـــه تـــره ايغـالــونْ!
خلِّصــــوْا كـــلّ العُمـرْ = ايـنـوحـــونْ ويلطمــــونْ
كل مَلكْ بل كـــل نبي= بعـــالي السّمــه يبجــونْ
********
الحســـين مـن النّـبي=هــــالـــرُّوحْ مِـنْ هالـــرُّوحْ
من نحــره شَمّـــه اوبجـــه=يدري تـــره مَذبــــوحْ
بسْ دمّــه ثــوره يظلْ= لكـــل ثــائــــر اومَجــروحْ
لاءك تظلْ سيّدي= من اعظم اللاءاتْ
او ثورتك يابن الوصي= نبــراس للثــــوراتْ
شما رادوا اوحاولوا= ما كدروا او هيهات
******
يطــفون نــور المَجدْ= والــــعـــزّة والإيمــان!!
اسمكْ ابلوح العرش= امسجّل من الرحمنْ
او ثـــــورتك يابــو علي= لكلّ البشرْ عنـوانْ
*****
يلضمّدِتْ كل جرحْ= واجروحك انته اهوايْ
او روّيت كل الظمه= او مشربت انته المايْ
لبّــــيــــــكْ يــاسيّـــدي= لبّــــيـــــك يـــــــــــامـــــولايْ
*****
حضرتك جنّة تظلْ= بيهــا الملاك اتدور
واهمومنه تنجلي= من نطب ليها انزور
الحسين من فاطمة = نور انولد من نور
****
يامن جِدتْ بالنّفسْ= يابو الكَرمْ والجودْ
ثورتك ضد الكفر= اوضد الليالي السود
باجر يهل الكَمر= ينادي انه الموعود
ابو مُحسَّدْ النجفي
نزار الفرج
