منتديات أنا شيعـي العالمية

بكثر اهل الرياء نحبك حسين
مختلفين عنهم بالحب هواي
اذا اسمك حظر نحفر نهر شوك
نشك حلك الارض ونطلع الماي
موشغلة تجاره ونكتب عليك
ولانستجدي دمعه من اليعزون
كتبنه احنه لان شفناك برهان
على فطرتهه جانت تبجي العيون
قضيتك صفقه صارت عد بعض ناس
نفسهم حاربوك واجو يبجون
نفسهم راسلوك وكالو وياك
اجيت وقاتلوك الي يرسلون
نفسهم للخلافه طالبو بيك
ومن وصلو رضو دمك يشربون
مختلفين عنهم احنه مولاي
احنه الحب جبرنه وكتب موضوع
اذا اسمك يمر نوكفله اجلال
مشاعرنه تهزنه ونذرف دموع
اصغرنه صرخته تسمع الكون
مو ياهو اليجي يكول انه مسموع
احنه اهل القضيه بدون اطماع
احنه أولى بعزائك احنه اهل جوع
مامدينه جف بقمة العوز
جفنه ويه الكمر عالنهر مكطوع
ولائا للطفوف بيوتنا خيام
وحبا بيك عشت وكلبي مشلوع
ولائا للطفوف نموت كل يوم
احد واربعاء وكل الاسبوع
تهجرنه امس وي سبي الاطفال
تركنا خيامنا وعفناهه للريح
سموني مهجر كبل سنتين
أووني وخاف اكلهم هذا تجريح
كمت بنص عمامي اتخيل الشام
واعاين عله اولادي جنهم ايتام
جروحي اعله الرماح انرفعن هناك
وصلن غير كاعي ونزفن احلام
ابجي اعله الحسين وحقي ابجيه
انه شايف الطف وشفت الخيام
لذلك لوبجيت الدنيا تندار
ومرات بونيني أبلع ايام
اختصر السنه بأيام عاشور
رؤوس احزان عندي تبجي الاقلام
من اكتب حسين القصد معروف
موكلمن اجه وكال احنه خدام
الخدمه شرف يعني عطاءات
مباديء غيره جان يريد الاسلام
الحسين يريد منه نعيش بأحساس
قليله احساس شاعر لا حس ايمام
الحسين يريد منه نصون ذكراه
مو موسم لطم ونقيمه كل عام