بسم الله الرحمن الرحيم
اللهم صل على محمد وآل محمد وعجل فرجهم

يــــــــــــوم القيامـــــــــــــــه
ــــــــــــــــــــــــــــــــــــــــــــــــــ ــــــــــــــــــــــــــــ
جدّه الخصم يلكوه يوم القيامه == موسى التقي سمّوه وهج الأمامه
شاف الألم == هذا العلم == إبجوا المصابه
كُل مَنْ ظلم == موسى الأشم == يلكه حسابه
يوم القيامه == يوم القيامه
ـــــــــــــــــــــــــــــــــــــــــــــــ
كوكب جفانه إو هالمضه روح الدين == عزّوا النبي والمرتضى إو جدّه إحسين
موسى الأبي عاش إبسجن ملعونين == ياشيعه حزنوا إعلى الكظم غيضه إسنين
سابع إمام اليوم ودّع حياته == كوكب كضاها إبضيم كثرة صلاته
كوكب مضه == نال الرضه == واضح كتابه
كُلْ مَنْ ظلم == موسى الأشم == يلكه حسابه
يوم القيامه == يوم القيامه
ــــــــــ
صيحوا يشيعه إبياذنب نال إهموم == وإبسجن إبن شاهك صُفَه هالمظلوم
خوف إو ظلم من طغمة الباطل دوم == ظل بالصبُر ينظر مصيره المرسوم
شاف السجون أشكال موسى إمامي == للعابد المسموم أبعث سلامي
أبجي إو أون == بيّه الحزن == وأسمع عتابه
كُلْ مَنْ ظلم == موسى الأشم == يلكه حسابه
يوم القيامه == يوم القيامه
ـــــــــــ
خوف إو ظلم شر إنتشر يمشي إو لاح == أرسل رساله سيدي إو بيهم صاح
من ينقضي يوم البلاء إو ينزاح == يوم السعاده ينتهي عدكم راح
يوم الحساب إهناك موعد لقانه == يحكم إله الكون ناخذ جزانه
ناخذ أجر == يوم الحشر == كُلْ مَنْ ثوابه
كُلْ مَنْ ظلم == موسى الأشم == يلكه حسابه
يوم القيامه == يوم القيامه
ــــــــــ
وجهه البدر منّه إرتوتْ أنواره == فوق الجمر ظلّتْ تجي زوّاره
عامر مضيفه إو واسعه هم داره == موسى الذّي ما ينتهي خطّاره
صار الولي المسموم باب الحوايج == إقصد إلَه وإتشوف أسرع نتايج
بيه إحتمي == عنده إرتمي == مفتوح بابه
كُل مَنْ ظلم == موسى الأشم == يلكه حسابه
يوم القيامه == يوم القيامه
ــــــــــ
فوق الجسر نعشه صُفَه موسى اليوم == هذا إمام الرافضيه المظلوم
شَيْعوه ياأهل الوفه هالمسموم == لعنوا العصابه الآثمه إو نادوا دوم
يلمهدي إحنه اليوم جينه نعزّيك == بالكاظم المسموم نبجي إو نناديك
لَمْتَه الفرج == زاد الهرج == يبن النجابه
كُلْ مَنْ ظلم == موسى الأشم == يلكه حسابه
يوم القيامه == يوم القيامه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
مع تحيات شاعر اهل البيت / جابر النجفي
إسمعوا طور القصيده على هذا الرابط
http://www.wlidk.net/dldaux10591.mp3.html