قصيدة ( خد الشمس)بحق مولاتي فاطمة الزهراء ع ... ادخل للبركه
 

((خد الشمس ))
يالتحزن الفاطمه ...خل عينك تصب دمه...لتخلي حزنك وطر
ابجي عله كل الجره ... من ظلمو الطاهره...واحزن طوال العمر
اسبح بدمع الحزن ...خيذوب بيه الجفن ... وخل كلبك الينفطر
لاتنسه باب القهر...من جاها هاجم عمر ...مو بيده دكهه دفر
طب الثنية علي...والامر واضح جلي ...طبته جانت غدر
الباب هم ساعده ...خنجر صبح للعده ... أوجر بذبح الصدر
علباب جمعو حطب... بنار ال اميه لهب ... والباب صارت جمر
البسمار هم بي حقد ... جنت اعتقد يبتعد...كام ونبت بالظلع
مارحم وضع الطهر... قاسي اصبح عللصدر ...من كثر مايندفع
الكون كله جزع... من عللغبره وكع ... المحسن ومنصرع
مااضن بيده لطم ...وجه الزجيه القزم ...بهاذي مامقتنع
من حيث هي الشمس...ما اعتقد تلمس... خد الشمس مرتفع
بس اقبل ان الخشب...بوجه الاسلام انظرب...اثر بوجه صدع
الليل يكدر هو ...ياكل خيوط الضوه... بس نور ! ماينبلع
بالدنيا كلشي افل ...ونور ال طه يضل...فوك الخلايق يشع
أي والضحى والعصر...جرح الزجيه الطهر...خله الحجر ينفجع
دنيا الاسلام اضلمت...وشمس الحسين اشرقت...غيرت كل الوضع
الله يابا الحسن ...شلت بحياتك محن...واثكلها جان الصبر


خادم اهل البيت
ابو ظاهر البركي

الغالي والعزيز والطيب
ابو ظاهر البركي
بوركت ووفقت ورزقنا الله واياكم شفاعة الزهراء ع يوم الورود
لك جل احترامي وفائق تقديري
الاقل
احمد رفيش

السلام عليكم
ابو ظاهر البركي أستاذنا الغالي
عظم الله أجوركم
مبدع بكل حرف ... فكرة رائعه وصورجعلت الحروف تتكلم
طبت في حب الزهراء
لك الدعاء والموفقية