منتديات أنا شيعـي العالمية - لاح طيف بحضرتك.... قصيدة في ذكرى استشهادالكاظم عليه السلام

بسم الله الرحمن الرحيم
اللهم صل على محمدوآل محمد
قصيدة متواضعة في ذكرى استشهاد
الإمام السابع ؛ المغيب في السجون
موسى بن جعفر الكاظم
((عليه السلام ))
لاح طيف بحضرتك
لاح طيف بحضرتك كام وتلكانة *** من ردنة الزيارة وكـــــعد ويـــانة
كال آنة عشك للكـــــاظم الغيظ ***ومنهو الكظم غيظة غير مـــولانة
كال آنة عشككم يا عراقيـــــين ***نفس عالي ورياضه دوم عـَمرانة
كال آنة عشككم يا عراقيـــــين ***نخل عالي وثمر مـــليان بســـتانة
طير وبرجــــلة غصـــن زيتون ***بسلام الضيف يفرشــلة ديـــــوانة
ولصد العدو ثورات للعشـــرين ***مكــــاوير وتفــــك وعلوم خـــفيانة
بغداد الرشيد يــــسمي البطران ***بغــداد إلة الكـــاظم تحجي جدرانة
آهات أقبلت وية جـــرف الماي ***صعَدت حنت الكصة وصدربيبــانة
هارون انسجن بتاريخ من سطرين *** ومواكب سابع اليمة اتفايضت بزمانة
مودار الســـلام انكول والمنـــصور
لازم تنكتب دار الجــــوادين
ومو بيت الحكمة ننبهر والمسطور
لازم ننبهر براهب السجنين
البصر من ينعدل تتبـــــصر آذانة
الوكت من ينظبط يتعلة ميــــزانة
الفرح من يستقر تترسخ احزانة
عشيكك لـــلأبد مــاتنساه عنوانة