منتديات أنا شيعـي العالمية

بسم الله الرحمن الرحيم
اللهم صل على محمد وآل محمد وعجل فرجهم

مســــــــاء يـــــــــــــــوم العاشـــــــر ( تجليبه )
ــــــــــــــــــــــــــــــــــــــــــــــــــ ــــــــــ
زينب إبطف كربلاء == كربلاء
عدها ياحيدر رجــاء == يارجاء
إحضر إلها ياوليها إبهل مساء
ــــــــ
يحيدر ما ﺑﮔﻪ الزينب ولا واحد
مشوا عنها إو صفت مهمومه وإتكابد
ﮔلبها إينوح ما يركد ولا إيساعد
دهرها مال عنها إو ظالم إيعاند
زينب إويه الحايرات == حايــرات
ياولينـــــــه باكيـــات == باكيات
كربله ظلّت تغطيها الدماء
إحضر إلها ياوليها إبهل مساء
ـــــــ
يحيدر ودّع الحرّه أبو اليمّه
أبو الأكبر مثال الرأفه والرحمه
ﻋﺷﮔﻬــا للشهاده إتعفّر أبدمّه
ملائكة السمه نزلت إلَه إتشمّه
نزلت إتصلّي صفوف == بالطفــوف
والنبي إوياها يشوف == للحتــــوف
نامت الحسرات بأرواح النساء
إحضر إلها ياوليها إبهل مساء
ــــــ
يحيدر ودّع العباس كافلها
أبو فاضل ضوه أيّام دنيتها
هذاك اﻟﭼـــان كُل لحظه يناشدها
سكن نهر الفرات إو إختفه عنها
من مشه عنها الكفيل == بالعويـــــل
ظلّت إبمدمع يسيل == ياجليـــل
ياإلهي إسمع الهذا النداء
إحضر إلها ياوليها إبهل مساء
ــــ
يحيدر ودّع الأكبر شبيه أحمد
سلاها أمّه إو مضه يضوي السمه فرقد
شباب إو سجّل الصولات ما تنحد
أخذ روح السبط ويّاه حيله إنهد
بعده ظل بيـــه الحنين == والأنيـــن
زينب إتنادي الحسين == ياحسين
راح الأكبر ياإبن أمّي فداء
إحضر إلها ياوليها إبهل مساء
ـــــــ
يحيدر ودّع القاسم ترك أمّه
مشه بهداي خايف يُرْفضَه عمّه
سمحله إحسين بس ظل غارﮒ إبهمّه
شباب إو للعرس حنّوه من دمّه
والعقيله بالدمــــــــــــوع == والشموع
واجهت جُرحه إبخشوع == وإبركــوع
صابره الحرّه إو تواجه كُل بلاء
إحضر إلها ياوليها إبهل مساء
ـــــ
يحيدر زينب إبحيره يوالدها
وحيده إو ﻓﮔد أبو الأحرار ضاهدها
تمنّت لو تجي إلها تساعدها
عزيزه إو هيبتك تزهي غدت عدها
نادت الهادي الرسول == والبتـــــول
والحزن بيها يجـــــــــول == ما ﺗﮔــول
خايفه إتشوف الحرم عدها العزاء
إحضر إلها ياوليها إبهل مساء
ــــــــــــــــــــــــــــــــــــــــــــــــــ ــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldqcx83352.mp3.html