منتديات أنا شيعـي العالمية - مشّايه نكصد كربله ( حدي )

بسم الله الرحمن الرحيم
اللهم صل على محمد وآل محمد وعجل فرجهم

مشّايه نكصد كربله ( حـــــدي )
ـــــــــــــــــــــــــــــــــ
مشّايه ﻧﮔصد كربله === ويّه الضعن والعايله
ـــــــــــــــــــــــــــــــــــــ
مشّايه ويّه العالمه == نلعن أميّه الظالمه
ما نهتم السيل الدمـــــه == هذا المشي نشتاﮒ إله
ـــــ
مشّايه كُل عـــــام اليمُر == نمشي على حر الجمُر
فدوه لبو اليمّه العمُر == ﺗﺑﮔــه المدامع سايله
ــــــــ
ما يصعب إعلينه الصعُـــب == نمشي إو دمع منّه يصُب
وإنظل على هذا الـدرُب == لو فجّرونَه أهل البله
ـــــ
مَيْهمنه راي الناصبــــــي == هذا الأمُر من النبي
راد المودّه للأبــــــــــي == ولعترته أهل العُله
ـــــ
ويّانه تمشــــي فاطمـــــــه == ويّاها حور إمن السمه
تروي الضعينه إمن الظمه == عيــــــن الوديعه هامله
ــــــ
ويّانه يمشي المنتظــــــر == مولانه مهدينه الأغر
دمعه يصب مثل النهر == يلعــن أميّه الجاهله
ـــــ
بالغاضريّــــــه من نِحِــــــل == عباس أبو الغيره يِهل
وإيحيي كُل زاير يصِل == وإينادي ياميّة هَله
ـــــــ
فاتح مُضيفه سيـــــــــدي == ثوب الأماجد مرتدي
من يمّه ندخل نبتـــدي == هذا المجد يستاهله
ــــــ
مشّايه جينه إو بالحــزن == وأرواحنا إلكم تِحِن
يبن النبي لا ما نِضِن == تتركنه يوم النازله
ــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldm9e29673.mp3.html