منتديات أنا شيعـي العالمية - قبل جان الجذب مو زين! بقلم حسين الساعدي

وحق الكعبه ملينهhttp://www.imshiaa.com/vb/images/icons/waz.gif http://www.imshiaa.com/vb/images/icons/waz.gif

لتكول الزمن مو زين هيه الناس مو زينه!!

ولا تسأل بعد وتكول جا وينه الوفه وينه!!

مدفون الوفه وتلكاه ويه اكبور اهالينهhttp://www.imshiaa.com/vb/images/icons/waz.gif

تدوخك طينة ابنادم و ما تعرفهه ياطينه!

ويا رحمة البعد ضلت اثنين وما تصافينهhttp://www.imshiaa.com/vb/images/icons/waz.gif

وطحنه وحشمينه الناس كلها اتصيح شعلينه!

جان الجار اليسافر بس ينخه جوارينه

هسه ايخاف من جاره يحوسمله حياطينهhttp://www.imshiaa.com/vb/images/icons/waz.gif

اليتيم الجان ما يحتاج هسه دمعته ابعينه!

إوجان اليطلب الفزعه تفزع كل درابينه

هسه الفزعه صارت عيب محد يركض اعلينهhttp://www.imshiaa.com/vb/images/icons/waz.gif

قَبل جان الجذب مو زين منحطه ابمحاجينه

هسه اصماخنه ايجذب قَبل فرة فناجينه http://www.imshiaa.com/vb/images/icons/waz.gif http://www.imshiaa.com/vb/images/icons/waz.gif

جان السمج بالشبجه نصيده اولذه ينطينه

راح الطعم جَن يعرف غدرناه ابشواطينهhttp://www.imshiaa.com/vb/images/icons/waz.gif

قبل جان اليصلي ايخاف من ربه وصدك دينه

هسه ايصلي ويفكر اشكد صارت ملاييينهhttp://www.imshiaa.com/vb/images/icons/waz.gif http://www.imshiaa.com/vb/images/icons/waz.gif

المصيبه نحجي عالعالم واحنه العيب ما لينه!

ننبش على اعيوب الناس ونفس اعيوبهم بينهhttp://www.imshiaa.com/vb/images/icons/waz.gif

اشوكت تطلع تصفيها اشوكت تضهر يمهدينه!!
وحق الكعبه ملينه
وحق الكعبه ملينه

http://www.imshiaa.com/vb/images/icons/waz9.gif

حسين الساعدي

راق لي