منتديات أنا شيعـي العالمية - الفاقـــــده أم البنيـــــن

بسم الله الرحمن الرحيم
اللهم صل على محمد وآل محمد وعجل فرجهم

الفاگـــــده أم البنيــــــن
ـــــــــــــــــــــــــــــــــــــــــــــ
ياعلي الفاگــده أم البنيـــــن === رادتك تحضر إبيوم الحنين
ــــــــــــــــــــــــــــــــــــ
رادتك تحضر إبيوم الدفن == ياعلــي تنتظر ظلـّت تون
ماتت إو ما غـُمض منها الجفـن == تنتظر طلعة الساگي تبيــــــــن
ــــ
تنتظر غيرة الكافل تِحـِل == للمدينه يجيها إو يـِمْـتـِثـِل
بالدفن يحضر إو نوره يـِهـِل == يبچــي عالطاهره إمّه إبأنين
ــــــ
إبچـوا عالطاهره إو صبـّوا الدمع == بالبقيـــــــع الوفيــــــه تـِنـْسِمِع
تنتخي إبفاطمه إو ضيم الضلع == والألم بالگلب لجل الحُسيـــن
ـــــــــ
والألم ما بُرد يچـوي غـِدَه == حاطـوا إبفاطمه أهل الـرِدَه
والگبر تـُربته تشكي السـِدَه == بالبقيع إبحزن نادي الأمين
ــــ
بالبقيع إبحزن نادي النبي == يامـُحمّد مِنــَعنا الناصبــــي
من زيارة گبـــــــر أم الأبــــــي == والوهابي إنتفض يحچـي اللعين
ــــ
والوهابي طلع هذا الزمن == ينصر الظالم إو يعبد وثن
لازم الغايب إيــْدَفــْعـَه الثمـــن == من يجي المنتظر ليث العرين
ـــــ
من يجي المنتظر نبني القبور == ينتشر بالأرض حُب إو سرور
ينتهي الظالم الياذي إو يجور == ترتفع راية العز المُبيـــــــــن
ــــــــــــــــــــــــــــــــــــــــــــــــــ ـــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldod201313.mp3.html