|
مسجون وإمكيدينه
بسم الله الرحمن الرحيم
اللهم صل على محمد وآل محمد وعجل فرجهم مسجـــــون وإمگيدينـــــه ــــــــــــــــــــــــــــــــــــــــــــــــــ ـــــــــــــــ موسى إبن هادينه === مسجون وإمگيدينه سمـّوه ذوله الأنـذال === يشكي ثگلها الأغلال مسجون وإمگيدينه ــــــــــــــــــــــــــــــــــــــــــــــــــ ـ الله ما أحلى المشي المولانــــــه == نمشي إو نشارك حيدره بحزانه لازم نزوره إو نگعـــد إبديوانــــــه == معروف موسى إبطيبته وإحسانه يـَمـّه ننال الآمال === يقبل إلهي الأعمال ثابت إمامي إبدينـه === مسجون وإمگيدينه ـــــ غيضوا النواصب بالمشي ياشيعه == عاهدنـــا نادوا والعهد مـَنـْبيعـَه شيلوا السجين إو شاركوا إبتشييعه == ويـّاكــــــم المهدي يجي التوديعه عزّوا الزچيه إبآهات === وإجروا عليه الدمعات غاب التقي والينه === مسجون وإمگيدينه ـــــ موسى إنهدم حيله إبسجن ظـُلاّمـَه == ما شاف فرحه وإنگضت أيـّامـــه بس عاش بالعز وإحتمل آلامـــــــه == مرفوع راسه إو ما نصت أعلامه واليوم سـَمـّوه إو راح === بعده نسينه الأفراح عيني فداها العينه === مسجون وإمگيدينه ــــ فوگ الجسر هاليوم نعش الغالي == شيلــــــــوه ياشيعة علي للعالي سمــّوه ما عدهم رحم هالوالــــــــي == أفديله روحي إو كـُل هلي وأموالي مسجون ما شاف النور === موسى الغـِدَه إلـْنـَه السور أحبابه وإمــْتانينه === مسجون وإمگيدينه ـــ بالكاظميـــــــــه ترتفع أنــــــواره == يگضي الحوايج سيدي الزوّاره مفتوح بابه إو ينتظر خـُطــــــــّاره == من فاطمه إو حيدر علي أسراره إگصد إلــَه إو لاتنساه === نادي إبمصابه ويلاه صابر گضاها إسنينه === مسجون وإمگيدينه ـــــــ سابع إمام إو سجدته موسومه == أمـّه الزچيه فاطمه المظلومه سجنوه موسى إو ضـَيـّعوها إرسومه == أرواح من فيـــــــض الولي محرومه والشيعه تاهت تنخاه === وينك يبن حيدر آه مايك عذب يروينه === مسجون وإمگيدينه ــــ ما ظل صبر يبن الحسن نشكيلك == أرواح لـــــو نــــورك يهل نفديلك وإنريد يانبعـــــــــة علي نحچيلك == لـَمـْتـَه العدو تمحيه صولة خيلك لـَمـْتـَه تجي ياموعود === يومك نشوفه المشهود دينك شكالك بينه === مسجون وإمگيدينه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ مع تحيات شاعر اهل البيت / جابر النجفي إسمعوا القصيده على هذا الرابط http://www.wlidk.net/dldpv548034.mp3.html |
المبدع والرائع
الشاعر القدير جابر النجفي احسنت ثم احسنت ثم احسنت روعه وقمة الابداع تحياتي المبتدا العتابي |
| الشبكة: أحد مواقع المجموعة الشيعية للإعلام الساعة الآن: 05:21 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025