|
تمنيت الليالي كلهه رمضان... تقبل الله صيامكم
تمنيت الليالي كلهه رمضان جنت كَبلك مريض وكَلبي تعبان جنت كلسه طبيب وضغطي بركان شفه كَلبي استراحيت واحس آني تعافيت وتمنيت الليالي كلهه رمضان ************* جنت كَبلك احس الدنيه دولاب تفتر بيه وآنه بعتبة الباب اداوي جرح يطلع جرح عطاب كلهه اتطيب من اقرأ القرآن ************** جنت كَبلك اعيش اهموم بهموم طبيبي احتار بيه وكَلي لتصوم!! تحديته وكَلتله الدنيه متدوم صِمتْ وتفتّحت للصحه بيبان ************* نعم (صوموا تصحوا) مجربه هاي يطيب العلّه ربك مايظل داي اذكر كربله من اشرب الماي سلام الله عله اللي مات عطشان *********** مايبقه مرض من تفطر يروح بصلاتك وبدعائك تهدأ الروح وبوكت السحور تطيب الجروح وصلاة اليل تطرد الف شيطان *********** بحق رمضان ياربي يمعبود فرّج يا إلهي عن الموعود جود اعلينه بالقائم ابو الجود ياخذ ثارنه ويرهب العدوان ابومحسد النجفي |
السلام عليكم
الشاعر الكبير والمتالق دوما رائع واكثر من رائع الله الله ماشاء الله واهدي لك دارميات بقلمي واحد هذه الدارميات انت من قمت في تصحيحه وله اثر في نفسي طيب ____________ اتمنه اصيرن ماي بين الحضرتين وتشربني كل يوم زوار الحسين ______________ جفيل ولاننساك ونتامل اتعود وتروي العطش ماي ياصاحب الجود ________________ روح التحب احسين متشوف ابد نار اوثوته عالظلام مشعل للاحرار تحياتي لك واسال ان يحفظكم تلميذك المبتدا عبدالله العتابي وعساك متشوف المرض ولا الطبيب بحق الحسين(ع) |
شعر ررررررائع
|
بسم الله الرحمن الرحيم شكري للعزيز عبد الله وله دعائي بالتوفيق |
|
| الشبكة: أحد مواقع المجموعة الشيعية للإعلام الساعة الآن: 06:24 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025