عالم الشعر
 

عالم الشعر
اني مو شاعر ابد وبكل تواضع= ولا مرة وصفت بالشعر انسان
كضيت العمر اقرى نثر واشعار = وكل فكرة بقصيدة تكون عنوان
شفت الشعر عالم كله اسرار = وابيات الشعر مكتوبة بأتقان
سمعت الغزل يقرونه بدواوين = وكل شاعر عرفته بكلبه ميزان
يعزف عل الوتر وتسمعه كل الناس = وحجيه مو كلام افعال واوزان
مو كلمن اجه كال اكتب اشعار = موضوع الشعر رايدله فنان
يكتب كل قصيدة بشوك واحساس = وبلحضة تأمل ما تقيده جدران
عالمهم غريب بيه حزن وافراح = مثل شوك وورد بوسط بستان
يكتب عل الغزل عل الحب عل الاوطان = كلبه بالوصف يشبه البركان
يتفجر معاني تعجب الناس = وكلمات القصيدة تعزف الحان
بقلمي / ابو محمد ابو الحق