انولد سيد البشر واتبشر الكون
 

انولد سيد البشر واتبشر الكون
________________________

عباس طريم
_________

انولد سيد البشر واتبشر الكون
وانس والجان فرحة
بالولاده
+
وملائكة السما نزلو يهنون
رسول الله جماعات
وفراده
+
اتغير جوهر الناس وبده اللون
مثل لون الثلج .. وانحل
رماده
+
والجانو كفر راحو يصلون
والاشرار مالو
للعباده
+
الارض جانت تون من اليكفرون
انملت من الرسول اليوم
ساده
+
واليسجدون للات ويعبدون
هبل , عادو ينطقون
الشهاده
+
العرب ياللاسف جانو يعانون
والهم انزل الباري
السعاده
+
اليوم المسلمين الكل يهابون
ابوجود المصطفى الهادي
وكاده
+
الجانو بالحيا ابناهم يدفنون
اليوم الموت صار الهم
ولاده
+
البالاخلاق ما جانو يؤمنون
اجه الاسلام وانطاهم
اراده
+
الرحمه اليوم نزلت مثل فرعون
من عيسى اجاه , والعدل
عاده
+
ابو الزهراء تفديه مي العيون
من اجل العدل والبر
جهاده
+
كال أتركت بيكم ما تضلون
وصيه اتكمل اسرار
العباده
+
كتاب الله بالاسرار مكنون
واهل البيت .. سر الله
و عماده
+
ربك خلق كل هاي البشر .. دون
ورسول الله بس , الكون

ساده
+
اليوم الناس يم حيدر يهنون
هنيئا ياعلي ابهاي
الولاده
+
واهل الادب بالاشعار يلقون
كصيد .. وهاي عد المحب
عاده
+
اليوم ابكل بلد مسلم يغنون
باناشيد المحبه ابلا
هواده
+
النبينه اليسمع الكل الينادون
ويطلبون من عده
الشهاده
+
ابو الزهراء الكل مسلم ابي عون
وشفيع الكلمن امن ابعيد
ناده
+
الينخاه ابكلب مؤمن .. صدك كون
وابنيه صافيه , ياخذ
مراده

عباس طريم