|
قصيدة / بغداد اليوم احزان
بغداد اليوم احزان .............................. .............................. يالكاظم يا مظلوم - يالكاظم يا مسموم مْصابك لا ماننساه – حزنك باقي وْ للدوم كل شيعي يْنادي اليوم يالكاظم يا مظلوم يالكاظم يا مسموم .............. يومك يوم الحسرات – ننسه مْصابك هيهات لاحزانك واللوعات - تنزل دم الدمعات لتْرابك قبلناه – والمدمع يجري دْموم .............. بْسجنك شفت الالام – مُرّه وْ صعبه الايام راكع ساجد متنام – بيك تْباها الاسلام شانك ربنه العلّاه – عالم انت وْ معصوم .............. بغداد اليوم احزان – عْليك تْنوح الاوطان تْواسي خير الاكوان – سرّ االباري الرحمن الارواح تْروح فْداه – نور الحي القيّوم .............. رغم ارهاب الكفّار – نْزورك يبن الاطهار ما همّتنه الاخطار – لجلك نزحف عالنار والحاقد نتحدّاه – نْخلّيه حاير مغموم .............. زحفالگبرك جيناك – يا مظلوم وْ ننعاك وينه الطاغي العاداك – بْذله وْ عار الجافاك خايب فاشل مسعاه – حكم الظالم ميدوم .............. بيك المهدي نْعزّيه – بِمصابك ونْواسيه يْنصره الهادي وْيحميه – من كل شر يلاگيه داعي الحق ناديناه – بْيوم الحزن المالوم .......................... .......................... خادم اهل البيت ( ع ) الشاعر الحسيني سعيد الفتلاوي الطويرجاوي |
| الشبكة: أحد مواقع المجموعة الشيعية للإعلام الساعة الآن: 03:35 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025