[عاشق الأكرف]

ماشاء الله المقهى عامر دام القهوة والكيك فيه ببلاش خخخخ

اشكر الاخت وفاء على الثقة الكبيرة والكلام الي اعلى من مستوانا


وبخصوص النسيان حسب فهمي

بشكل عام النسيان نعمة وهذا مانص عليه روايات اهل البيت عليهم السلام ولا صارت حياتنا بدون نسيان عذاب

ولكن النسيان المتكرر لأمور كثيرة في حياتنا يعاني منها الكثير

بسبب انشغالاتهم وكثرة امورهم المهمة

لكن فيه بعض الأمور من المحتمل الأكبر اننا ننساها بقصد ولكن بطريقة غير مباشرة وهي عن طريق العقل الباطن

مثل / لما ننعزم على عشاء والشخص الي عزمنا مانرغب له او مايهمنا او فيه اشخاص مانرغب وجودهم في العزيمة من المحتمل اننا ننسى صحيح لكن النسيان هذا جى لان اساسا الأمر مايعني لنا شي مهم فالعقل الباطن يرفضة ويجعلة من ضمن المهملات ومانذكرة الا بعد فوات الموعد


وممكن ان تجرب هالشي على امور كثيرة تمر بك في حياتك

والذاكرة من شخص لشخص يختلف من حيث قوتها واتساعها للمعلومات وبفصل لك بالي اذكرة وحسب احدث التصنيفات المختصة عشان تتوضح الأمور اكثر .......

ففيه فكل انسان ذاكرة قصيرة المدى وذاكرة بعيده المدى


وتقسيم ذاكرة قصيرة المدى قسمين :

1/ الذاكرة الحسية : وهي الي بها نتذكر الاشياء اللحظية الي تحصل في لحظات معينة ماتتعدى 30 ثانية

مثل لما احد يملي علينا رقم تلفون ويريد ان نتصل به ممكن ان نحفض طريقة اتصالنا للأرقام لكن الارقام مانعرفها

وهالشي موجود في امور حياتنا بكثرة ..........


2/ الذاكرة القصيرة : هي الي نقدر نحتفظ بالمعلومات لمده تتراوح من اسبوعين إلى 30 يوم تقريباً

مثل حفظنا لأسم معين عابر في التلفزيون او مصطلح علمي ولكن قرأناه بشكل عابر يتخزن هالشي في الذاكرة القصيرة داخل الذاكرة قصيرة المدى وقيسي على هالأمر امور عده في حياتك .


والقسم الثاني هي الذاكرة طويلة المدى وهي :

هي الذاكرة الي تحتفظ بالمواقف والاشياء المهمة في حياتنا والأمور الي تعني لنا الشي الكثير ومدتها تبدأ من سنة الى 30 سنة .



اما من ناحية ان الكلام في بعض الأحيان نبغى نطلعة في مواقف وننسى هذي الحاله اطلقو عليها

(( المعلومة الطرفية ))

يعني الي تكون في طرف اللسان ولكن ماعندنا الاستطاعة الي تجعلنا نخرج هالكلام من لسانا بسبب تشتت التركيز في امور كثيرة زائده عن الحد يعني من الممكن نحتاج فقط حرف واحد نتذكرة لننطلق في الكلام واول كانت تحصل لي كثير وابتلش خخخخخخخ


ولكن كثير من امور النسيان انا شخصيا تخلصت منها والسبب اني اتخذت بالقاعده الي تقول

(( كل مايقال ينسى وكل ما يكتب يحفظ ))

فأغلب أموري ومواعيدي والبرامج الي اريد اتابعها اسجلها وبتوقيت في الجوال وأتخذت هالشي سنين ومع مر الوقت احس ان ذاكرتي في التذكر صارت افضل وافضل لان اساسا وانا اكتب الشي اكون قويت ذاكرتي من خلال النظر للكتابة والحمد لله


اعتذر عن الأطالة وهذا ماوصلت الية من عصارة مخي قبل لا انساه وأتمنى ان ما ناخذ كل الكلام الموجود في النت عن انواع وخصائص الذاكراه في الأنسان

لان بحثت قبل فترة ولقيت ناس تكتب وهي ماتفقه لشي الي تكتبة والناس تنخدع بالمعلومات الخاطئة والغير مرتبة


وفي النهاية اشكر جزيل الشكر الاخت وفاء على الدعوه

والله يوفقها لكل خير ويدوم عليها السعاده والصحة دنيا وآخرة بحق محمد وال محمد