[رحيم الحسناوي]

المرسل بجيته دار امته امنه

شيد طريق العدل للمسلم وامنه

حي مرضعك يا نبي وحي بت وهب امنه

جابت امين ووفي لملك العرش صادق

اكد على نبوته ربه واله صادق

جد الحسين وحسن والباقر وصادق

هذه سليل الوحي يامن جهل احمد

وبنعمه الخلاق شاكر اضل واحمد

خادم اضل لحسين ولحيدر واحمد

عبدك يبن حيدره خام الك ناصري

وبالرخه انصر علي وبالشده هو ناصري

ولو كطعو منحري لحسين اضل ناصري

والهج باسمك علي وكت المسى والضحه

يالفضلك على الملا رب العى وضحه

والمرسل وفاطمه وطف كربلا والضحه

ماحيد عن حيدره لو دنيه دارت علي

للموت انته الولي والهام بيكم علي

علاك رب العرش من ربك اسمك علي

وعلمك يبو الغانمه علم الارض مايله

بطبرات سيفك علي عدلت كل مايله

نوجه رساله بفخر للحاقد بما يله

حضر متاع السفر والبعد والمرحله

جايك امام الهدى ويغير المرحله

يعدل نضام الارض ويصير كل مرحلا

امنت يبن النبي يالذكره خير وحلا

وروحي بال النبي ليوم الحشر امنه .

رحيم الحسناوي