[ابو سجاد~نجف]

موضوع جميل ولاكني كسرا للروتين في اجابة الاسأله جاوبت عليها بطريقه كوميديه لتلطيف الجو عسى ان تنال اعجابكم
* من أنت ؟ ومالذي تفعله هنا ؟
واحد ماعنده شغل وعمل لان كاعد ايجاوب هذي الاسأله

* لو ظهر في داركم بئر نفط ... هل ستخبر الدولة أم ستشربون وتطبخون منه؟
ياحبيبي اشتري فد 450 عربانة مال نفط واصير صاحب اكبر اسطول عرباين نفط بالشرق الاوسط

* لو قدر لك أن تدخل السجن فماهي القضية التي تتمنى ان تدخل بها إليه ؟
امبينه مايرادلها معرفه بسبب عدم تبليغ الدوله ببأر النفط الي طلع في بيتنا
* أنت مكلف بحذف حرفين من حروف اللغة العربية .. أيهما ستختار ولماذا ؟
احذف حرف الباء والنون
حتى لو سألتني الدوله انته لكيت بأر نفط بالبيت اكللهم لا اني لكييت أر فط حتى يتركوني لحال سبيلي واضل ابيع منه

* في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة؟
القنبله اطيها لصاحب هذه الاسأله اذا ماطلع ابيتنا بير نفط
والورده اطيها هم لصاحب هذه الاسأله اذا طلع عدنه بير نفط وانطيه وياها هديه عربانة مال نفط مفوله لعينها يالا خلي يبقى عندي بس 449 عربانه الولد خوش ولد ويستاهل
* يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟
والله اخاف اسألتك هذه تطلع احلام وما الكه بير النفط بالبيت تره اني بديت اصدك

* بجملة واحدة فقط أكتب تعريفاً لكل كلمة من الكلمات التالية:
الوطن : بيت بيه أر فط
الأم : تنكة النفط توصللها الى باب البيت كل يوم بر الوالدين
العآئله : طلبات ما تخلص تدرون كل يوم ايخلصون عربانه نفط امفوله اتكول مال حرام
الليل : اظلم
الحب : ماتلحك عليه مو صاحب بير
الصمت : واحد ساكت عن اكتشاف البير
أمريكا : منافسي الاول في بيع النفط
المرأة : تجي بسهوله لو صار عندك بير نفط
الرجل : ايبيع النفط لان عيب المرأة تشتغل هيج شغل
الإنترنت: اسمه راح ايصير اتر يت لان اني لغيت حرف النون من اللغه لو نسيتوا
الماسنجر انزله على كل العرباين مالتي حتى البيع ايصير مباشر

* على افتراض أن كائناً أتى من المريخ ووجد أمامه صحيفة ، برأيك كيف سيعرف أنها صحيفة عربية؟
طبعا يعرف لان راح ايشوف خبر اكتشاف البير مالتي مال النفط باول صفحه
* كيف تتخيل العالم دون هذه الأشياء ( القهوة ، الكمبيوتر ، الحب ، يوم الخميس ) ؟!!
ما كو اي مشكله مادام عندي بير نفط اكطعو عني كلشي حتى الماي الكهرباء هما اصلا وينهم

* اختر منصباً واتخذ قرارا ! ؟
صاحب بير نفط
و اول قرار ازويد سعر النفط طبعا

* عاد المتنبي وقصدك لتبحث له عن عمل ، ماذا ستقترح عليه ؟
عندي عربانه ما عليها سايق الشغل جاهز

* يقولون أن أنظمتنا العربية متسلطة على شعوبها .. لكي تنشأ جيلاً صبوراً أمام المحن ! ما تقول أنت ؟
ممنوع الكلام بالسياسه لان ما دا انلحك شغل حجي عندي 449 عربانه هو اني دا الحك احك شعري

* لو كنت مرشدا سياحيا فى صحراء الربع الخالى من ستصطحب معك وتضعه هناك، ولماذا ؟
اخذ حماتي واتيها بالصحراء بلكي الله ياخذ امانته

* أختر خمسة أعضاء من المنتدى وامنحهم ألقاباً ؟
خالي 5 شنو محتاجين عمال هواي اكثر من 5 الي يعرف ايسوق العربانه شغله جاهز

* وجه رسالة لشخص لا يعرفه إلا أنت ؟
الى صاحب فكرة البير مال النفط امروتك تطلع هاي الشغله صدك صدكني عندي استعداد انطيك 10 بالميه من الارباح

* ما هو لون النسيان؟
لون النفط دنيتي كلها صارت نفط بنفط

* ثلاثة تواقيع لأعضاء في المنتدى تود لو حذفت ولماذا ؟ وثلاثه شدت انتباهك لجمالها ؟
الاول نفط العرب للعرب
الثاني بير النفط الي امروتكم
الثالث الي ايبلغ الحكومه على بير النفط خسران خسران ثم خسران