[القناص الاول]

الك يحسين صرخة بوسط الگلوب
والك صيحة بألم آ وا اماماه

الك يالبالمهد جبريل لولاك
الك يالماشمس بالكون لولاه

الك كل الفخر يحسين عالناس
ولا واحد گدر حدّك تعداه

اخذ يا سيدي دمعه من العيون
واخذ من شيعتك بيعه وموالاه

الك عدنه عهد ما ننسى عاشور
وتشيب گلوبنا من يمر طرواه

ونلطم عالصدور زغار وكبار
ونصيح الله اكبر ريتنه وياه

ولو عن الخيام نطفي النار
ولو في للعليل نصير نبراه

ولو عن الطفال انشاگف السوط
ولا هذا الوكت يحسين عشناه

الك يا سيدي عندي سؤالين
يمن حل المسائل بيك نلگاه

يمن ليك ويگف حد الرياجيل
اوّلا خايب يرد كلمن تعناه

عدنه ذنوب صارت سيدي هواي
ومنو بليلة الوحشة نلوذ بحماه

ومنو غيرك شفيع الهالمحبين
ومنو يشفي السجيم الطال بلواه

الماعنده جواز بختم الحسين
يظل باسفل سقر والنار ملفاه

اذا عندك بخت وتزور الحسين
حط صدرك على الشباچ وانخاه

واهتف من تريد تزور عباس
ابد والله ما ننسى حسيناه

2/ 10 / 2003