[عفتي فاطمية]

مادام بعبق الياسمين زهرتي المفضله جبت المكونات مثل ما انسويه بالبيت ماجبته من اي موقع لاعريبي ولاتركي
المقادير:
4حبات باذنجان
طماطه حسب الرغبة
3حبات بصل
كرافس حسب الرغبه بس لا يصر اهوايه
فلفل حسب الرغبه حلو اوحار حسب ماتحبين
لحم دجاج او غنم الافضل غنم
رز 4كاسات يعني كيلو
طريقة العمل
الباذنجان تقشريه يعني هيجي

بعدين تسويه حلقات وتخليه بالملح ربع ساعه
نجي عل لحم بعد التنضيف والغسل تخليه بالماء المالح عل نار
هس نيجي عل بصل طماطه فلفل بعد التنضيف والغسل نسويهن حلقات كل واحد بصحن خاص
نجيب الجدري نخلي به اشويه دهن نعد مايسخن الدهن نخلي بيه البصل
في هاي الاثناء نغسل الباذنجان ونخليه في مصفات حتى المي مايبقى
بعد اصفرار البصل نضيف الفلفل عليه
في هاي الاثناء اذااللحم استوى نطلعه من الماء يعني نبقي اشويه من الماء
نكعي الرز هس نضيف عل بصل والفلفل الطماطه واشويه ملح مع فلفل اسود سدي القبق
بعد ماراح الماء من الباذنجان نقليه بالدهن ور الباذنجان نقلي اللحم نضيفهم عل جدر
ورمااستوت الطماطه نسد القبق من جديد حتى ينطون طعمهم
في هاي اثناء ننظف الكرفس نغسله نقطعه ونضيفه الى المكونات
نصفي الرز بعدين نخلي ملعقه من الدهن بالطاوه ونخلي عليه ملعقتين معجون طماطه
نقليه ينطيه طعم حلو بعد القلي نضيف ماء اللحم عليه حتى يغلي
نجي عل مكوناتنه بالجدر نخلي عليع ماء وملح القليل من الكاري وفلفل اسود
يعني مثل مانسوي التمن ونضيف عليه ماء اللحم والمعجون بعد الغلي
بعد مايغلي الماء نضيف الرز عليه نسد القبق وننتظر حتى يخلص الماء
نخليه على النار الهادء مثل مانسوي بالتمن
ملاحظه:لاتحاولي تقلبيه نهائيا
يبقى عل نار الهادء فتره مثل التمن
بعدين قلبيه عل صينيه
والف عافيه
صحيح اشويه صعبه
بس جربيه مره تعيديه الف مره