ياسيف ياصاحبي عل الشرك كلي أحد
غيـــر الفقــار النزل جبـريل بيه بأحــد
من صاح البسمله حيدره وقل هو أحــد
هذا وصي النبي وأول خليفه علي
تشهدله كل الكتب وقرآن ربٍ علي
إنت أميري ونعم نصبك ربك علي
وأقســـم أنه بالنبي مـا إلـي غيـرك أحـــد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
جينه نوفي العهد ...... خم بسمنه إنعكد
نكول يوم الغدير ...... ما كو غيرك أمير
جينه نوفي العهد
********
هارون إنته صرت .. من محمد علي
إبسورة المائده ..... كـــال ربٍ علي
أنت نفس النبي .... بأم الكتاب وعلي
إنته خير العمل ..... دينه بيك إكتمل
كال ربٌ قدير .... ماكو غيرك أمير
جينه نوفي العهد
********
البيعه يا أبه الحسن ... هي فرض موسنه
عـهـــد ونجــدده .... إلــك مــن كل سنــه
علي قاســـم عدل ..... بيـن جنــه وسنـه
ياوصي الرسول ..... بالغدير شنكول
لا.. أبدى ما يصير .... ماكو غيرك أمير
جينه نوفي العهد
*********
بيك ياسيدي ...... نزلت الفاتحـــه
وباب علم النبي .... حيدره الفاتحــه
جم مدينه وحصن .... سيفك الفاتحه
ياعتيد الأصول ..... يامحير العقول
بيك ربك خبير .... ماكو غيرك أمير
جينه نوفي العهد
********
بيوم المباهله ....... أحمد إنته نفســـه
كلي ياإبه الحسن ..... الكرب من نفسه
جم عنيد أو عنيد ..... عل الأمر نفسه
إنته زوج البتول ..... إنته فحل الفحول
وإنته كاسي الفقير ... ماكو غيرك أمير
جينه نوفي العهد
**********
بيك ربك قســم .... تشهــد الواقعــه
زلزله وعاصفه ..... عل الكفر واقعه
الما يعرفك علي .... هذا هو واقعــه
يكضي عمره بظلال ..... مايعرف الحلال
ول ظنونه أسير .... ماكو غيرك أمير
جينه نوفي العهد
*********
إنته البسملــه ....... وإنتــه قل هو أحـــد
بيك إجت هل أتى ...... ما كو غيرك أحـد
وغيـر سيفك علي ... ما كو سيـف بأُُحــد
يزيل روس الكفر ..... حيدره من يكر
يطيح راس ويطير .... ما كو غيرك أمير
جينه نوفي العهد
ابوتكتم الخير ( قاسم طاهر القاسمي