[منذر الساعدي]

وِتكَهرب الشارع مو طَبيعيه!
حسين الساعدي


والله والنعم من العراقيه
أصيله وبالمواقف مية بالميه

إذا كانت حبيبه اتكول حوريه
مثل وَرده وعطرها ايفوح يوميه

وإذا تلكاهه أُم مَليانه حِنيه
تضحي ابروحهه ومتكول شَعليه

وإذا كانت إخت تلكاهه نَشميه
اخت إرجال لو ثارت فِدائيه

وإذا كانت بنت جَنهه لَعابيه
تفرحك كل وكت بالروحه والجيه

عراقيه وأصيله وصافيه النيه
وإذا شَح الوفه اتشوفه ابهل البنيه

غَزاله ولو مشت تتمايل اشويه
وتكَهرب الشارع مو طبيعيه

وإذا سَوَو سباق اتفوز بس هيه
عَله كل الدول حتى الفرنسيه

لو تبحث تِفُر الكُرة الأرضيه
ما تلكَه أبد مثل العراقيه
ولا تلكَه أبد مثل العراقيه


الشاعر حسين الساعدي

منقوول