[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

حــُسـْنـــــَه فلا موجـــــود ( في مولد الحسن المجتبى عليه السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
أحلى التهاني العلي بالمـُجتبه المولود === الله ما أجملــَه حـُسـْنـَه فلا موجود
ــــــــــــــــــــــــــــــــــــــــــــــــــ ـــــــــــ
الله ما أجملــَــه منـــــّه إلگمـــــر خجلان == فوّاح عـُطر الحسن يملي غده الأكوان
صلـّي على المـُصطفه والعتره يافرحان == وإعقد حفل مولده وإنخاه يابو الجود
ـــــ
إعقد حفل يا مـُحب خلــّي الهموم إتزول == هنــّي النبي إو فاطمه والغايب المأمول
هل الوليد البدر والجاه بي مجبول == لازم نقيم الفرح وإنصلــّي للمعبود
ــــ
لازم نقيم الفرح وإنغيض كـُل شيطان == هـــاي الموّدَه أمـُر من الله بالقرآن
هذا الحسن بالكرم معروف عالي الشــــان == جود إو عطايا يطش يجلي الرزايا السود
ــــ
جود إو عطايا يطش إبن النبي المـُختار == لو چـــــــان عندك طلب إنخاه لاتحتار
معروف بالغانمه مثل الوصي الكرار == هذا حليف المجد خيره فلا محدود
ــــ
هذا حليف المجد ما فــــــارگ الأرواح == أزهاره كـُلها عـُطر إلها النفس ترتاح
فرحانه بي شيعته عـُطر المحبـّه فــــاح == فرحه إو تهاني إو سهر يوم الحسن مشهود
ــــ
فرحه إو تهاني إو عشگ يطفي لهيب الروح == ذكر الحسـن للشــِفـَه لو ردّد المجروح
إسم الأغر كـُل وكت يـِنـْســَه إلبچـي والنوح == وإيعيش طول العمر ينتظره للموعود
ـــ
وإيعيش طول العمر عاشگ حسن وإحسيـن == مرفوعه راسه إو أبد ما تحزن العينيين
تشفع إلـَه فاطمه وإيحل مع الطيبيـــــن == مـَيـْشوف نار إو لظـَه بس جنـّة المحمود
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldf6280485.mp3.html