[melika]

السلام علیکم

کل المراحل الدراسیه الها ذکریاتها وحلاوتها الی ماتنسی

وطبعا کل واحد منا بهذه المراحل مر بمواقف ربما تکون حزینه ، سعیده

او مضحکه

الی اتذکرهم موقفین صارول یوانا فی الابتدائی وبصراحه لمن اذکرهم

صحیح فیهم الم شوی لکن احس باعتزاز وافتخار بطفئلتی اکثر

مره لمن کنا فی الصف الخامس الابتدائی المعلمه نادت احدی الطالبات

کانت حصه درس الریاضیات واجت حتی تحل التمارین علبلاک بورد

( معذره نسیت شسموها ) ای والمعلمه کتبت التمارین وگالت للطالبه

حلی های التمارین

ماگدرت تحلهن وشگد مامعلمتنا فهمتها وضحتالها ماگدرت

والمشکله های الطالبه کانت سنه ثانیه بالصف الخامس ومع ذلک ماعرفت

صاحتلی وانا رحت وحلیتهن بسرعه

المعلمه بعد ماطلبت من الطلاب تشویقی وصفگولی

طلبت منی ان اضرب های الطالبه الی ماعرفت علی راسها

لکن انا اعتذرت من معلمتی وگتلها ماضربها

گالتلی اضربچ اذا ماضربتیها گتلها ضربینی

ضربتنی وطلعتنی خارج الصف اجت المدیره شافتنی ابچی والعیون طاگه

حمر ههههه

سئلتنی شصایر واخذتنی لمکتبها

گتلها بالموضوع

گالت زین هی مومعلمتچ وطلبت منچ ان تضربیها

گتلها انا شلون اضربها وهی اکبر منی موتعلمونا احترام الاکبر منا

وهسا تردونی اضرب وحده اکبر منی

المدیره ضحکت واجت باستنی ورجعتنی للصف

های من اتذکره اگول الحمدلله انی ماسمعت کلام معلمتی

یعنی صحیح بضربی امام الطالبات انا فشلت گدامهن لکن مافشلت گدام روحی

ولازغرت بعینی والحمدلله

واما الموقف الثانی


مره کنت رایحه للمدرسه وبطریقی لاگتنی فد عجوز

واگفه بنص الشارع وتباوع باطرافها

رحت الها وسئلتها بیبی منتظره احد

گالت لا بنیتی ارید اروح بیت بنتی بس ماگدر اعبر اخاف من السیارات

ولا اشوف الدر ب زین

مسکت ایدها وعبرتها وطبعا تعرفون مره عجوز ماتگدر تمشی سریع

وانا تاخرت علمدرسه

وهلمره ویا المدیره لان شافتنی جایه متاخره

ومخلتنی ادخل الصف الا بعد ماجبت امی واوضح الها وماکو

واخذوا منی تعهد لازم بعد ماتاخر

شوفوا بدل مایشجعونی ویشوقونی

شکرا لک اخی الحر علی موضوعک الشیق والرائع الی خلانا نتذکر احلی الذکریات

شکرا لک علی جمیع مواضیعک الراائعه والممیزه

وبانتظار کل جدیدک بشوووق....

smilies/110.gif