[فلاان]

احم احم .. مادري يمديني الوقت اذكر الموقف او لا
لأن قارب وقت المكتبة على الانتهآء .. وشوي وبيطردون ( بسم الله مامداني اكتب هالجملة الا مسؤول النت جاي واخذ الآيبي للجهازoO)
اللهـ يستـر خخـ .. المهم نرجع لمحور حديثنآ ..

الصيف قبل الماضي كنت ماخذ صيفي في الجامعة .. والبيت كانو مسافرينـ إيران

وفي المغرب كنت شآبكـ نت .. ودخل المسنجر اخي وصديقي في اللهـ ..
وطخت في بالي فكرة شيطانية ..

وقلت لهـ بما مضمونة وينكـ ويش عندكـ.
قالي قاعد في البيت

قلت لهـ مو قاادر
احس بكتمة وضيق في صدري وبالغصب اتنفسـ
يقول ويش فيكـ
قلت لهـ مادري
انا كنت برا اسقي الزراعة وجوالي برا
لما دخلت الشغالة كانت جاية تنظف البيت وقفلت الباب وراحت
وانا الحين محبوس في البيت ومو قادر اسوي شي حاس روحي بموت

يقول ويش اسوي !! قلت له روح المأتم الحين فيه قراية هناك وشوف احد قوله جان يروح شقة اختي وجيبوا مفتاح البيت بسرعة

وانا فاااقع ضحك مو قادر امسك نفسي
هو مباشرة .. اوكي يلا .. وسكر المسنجر
انا انفجرت من الضحكـ خخـ

وعلى طول اتصلت بجوالهـ وانا ميت ضحك ههه


سكت مو مستوعبـ
بعدين انتبه انه مقلب
ههه وهويقول اييه انا خبري فيك ما تحب الشغالات وكل شي يسونه هذيلا على طول صدقت

هههه :# وبس :$ :$