[** مسلمة سنية **]

بارك الله فيك أخي الكريم و جعله في ميزان حسناتك

لكن

في الدول و القوانين العادلة او حتى التي تدّعي العدل
يكون المتهم بريء حتى تثبت ادانته
لكن حال الشيعي مع السني مدان مدان مدان بدون دليل بدون دفاع بدون حوار !!!!!! خلص متهم و السلام

يعني الإخوة بيحاوروا بعدم تحريف القرآن و بالأدلة و طلعوا اللي نقلوا القرآن شيعة أو علشان ما يزعلوا بعض ناس بلاش نحكي شيعة ... طلعوا موثوقين عند الشيعة و متروكين عند السنة ... و في الأخير علشان يجي شخص و بكل بساطة و برود يحكي لك قصة تحريف القرآن عند الشيعة بيعرفها القاصي و الداني !!!!!!!!!!!!!!!!!
يعني التهمة لابستك لابستك ما تحاول !!!!! لا حول و لا قوة الا بالله العلي العظيم

الي فترة بتحاور مع انسانة و قطعت معها شوط طويل ... من معرفة وصايا رسولنا الكريم ( عليه و على آله اشرف الصلاة و السلام ) الى معرفة من خانها ... الى معرفة العترة الطيبة الطاهرة عليهم صلوات الله و سلامه ( طبعا ما كنا نعرف شو معنى عترة !!! ) الى معرفة من ظلمهم ... الى الى الى ...
انصدمت بقصص كتير ... انصدمت بفضائل أمير المؤمنين اللي موجودة و منسية و بيحاولوا يغطّوها ... انصدمت برموزها و صارت تكرههم ( و مع انو الشتم ما بيجوز لكنها شتمتهم و بتشمئز منهم )
حتى صلاتها بتحكي لي صارت تخربش فيها ... مرات بتكون متكتفة و مرات بتسدل ايديها ...

يعني مشوار طويل معها و كان فيه تقدّم ملحوظ ( مع كونها دارسة شريعة و طبعا انا مش دراسة بالدين لكن كنت احاروها بأدلة و استعرت كتب من المكتبة لحتى تشوف بعينها -بتفكّر انو الانترنت بيتم التلاعب بالأدلة - )

بعد كل هاد و بعد اقرارها بكتير امور فكرك شو صار معها >>> عايشة بصراع بين ياللي ربيت عليه و درستو و ياللي سمعتو و بتسمعو عن الشيعة و بين ياللي عرفتو جديد و بالدليل ... جد كلمة صراع بسيطة لوصف حالتها ... و شو بتحكي >>> كرامتي ما بتسمح انو طول عمري بعرف انو احنا الصح و هم اللي غلط و ضالين و يطلعوا هم اللي صح ... ممكن اعمل كل الكلام اللي بتحكي عنو من ولاء و براء و الصلاة و الأمور التانية لكن اصير شيعية صعب !!!!!!!!! المشكلة عندها بالاسم !!!!! طبعا لسّاها في صراعها و لسّاها في تقلّب و شكّ مع انها مو عارف ترد و تدافع عن الأمور اللي بطرحها ... و هي ياللي دارسة شريعة !!!!

شخص تاني ما بدي أذكر المراحل في الحوار معو كيف تدرّجت ... و برضو الوضع متقلّب دائما ( و بعترف هاد الشخص مالو بالدراسات الدينية ) و مع هيك حوارو كان أصعب ... و آخر مرحلة بعد العجز عن الدفاع و الدليل كان ردّوا : ما بقدر أغيّر اللي تربّيت عليه من صغري ... يعني سياسة هذا ما وجدنا عليه آباءنا !!!

المشكلة في كلمة " شيعة "

للأسف تم ربط كلمة شيعة مع كل الأمور ياللي ذكرتها و مع أمور يمكن الواحد يخجل او يستسخف يذكرها ... سخّروا اموالهم و علماءهم و جهودهم لمحاربة الشيعة و قذفها بكل سيء ... و صار كل من عادى الشيعة يُسمى شيخ الاسلام أو امام !!!! طبعا حاليا غير المناصب و الشهرة !!!! أحيانا بقرأ في منتديات السنة مواضيع و جد بستغرب اني كنت بنتمي لهديك الفئة و اني كنت اصدّق هالكلام لمجرّد انو نابع من اشخاص من مذهبي ... شو ما كنت التهم شنيعة و ما بيقبلها عاقل و احيانا الحيوانات ما بتقبلها عادي بتتصدق لأنها نابعة من أشخاص بمذهبي !!!!! بس بتعرف كأنها نار أكلت كتير و كتير و كتير و كبرت و صار صعب السيطرة التحكم فيها لحد ما توكل اصحابها ... و الجوهر و المعدن الصافي صدقني ما بيتأثّر ... النار رح توكلهم همّا بحقدهم و جشعهم و رح تنكشف عن الحقيقة ان شاء الله ...

سوري سهرانة و الأسئلة اللي طرحتها ذكرتني بأمور كتير و قلّبت علي امور كتير ... بحمد ربي ليل نهار و لآخر لحظة بعمري انو التعصّب ما اعماني و اتّبعت ما استراح له قلبي و عقلي ...

بثني على جهودك أخي الكريم استمر في الموضوع حتى و ان لم تجد له صدى في الوقت القريب ... معلش كثرة المحاولات و الجهود و من أكتر من طرف و جهة أكيد رح يكون الها نتيجة ... و أفضل النتائج بتلاقوها عند ربّ العالمين اللي ما بيضيع عندو تعب ...

بارك الله فيك أخي