[** مسلمة سنية **]

اقتباس : المشاركة الأصلية كتبت بواسطة امين الصندوق [ مشاهدة المشاركة ]

مداخلة بسيطة اختي وارجو عدم الاحراج فيها اذا كان اهلك مثلما تقولين فهنيئا لك بمثل هؤلاء طبعا اللي فهمته من كلامك السابق وحوراتك السابقة مع اهلك انهم يعلمون بانك مستبصرة ولم يمنعونك من ذالك خصوصا زوجك هل هذا الكلام صحيح ام لا تحياتي لكم

حيّاك الله أخي

كلامك صحيح و مش صحيح ... يعني شاعرين بهالشي لكن بيحاولوا يتظاهروا بعدم معرفتهم و عدم ملاحظتهم ... بيفكروا انها حالة و رح تعدي ... يعني الاعتراف الصريح ما صار .. و ازا صار ما بتوقّع خير ...

لي أخ متشيّع في السجن ... في أوّل زيارة له قبل أكتر من سنة ( ما كنت مستبصرة بعد ... و بس انا الوحيدة من العائلة اللي سمحوا لي الصهاينة بالزيارة ) وصّتني الوالدة أخبّر أخي انها زعلانة منو كتير لأفكاره و وصّتني أحلفه ان يبعد عن هالطريق ... أخي رد أنه على سنة محمد صلى الله عليه و آله ... طبعا بوقتها فهمنا هالكلام على انو سني ...

الوالدة الحنونة العطوفة رح تزعل كتير و ما بستبعد تقاطع و تغضب ... فهي بتحب ابناءها ... لكنها بتفكّر انو اللي بتعملو لنصرة الدين !!!!

زوجي >>> أكتر انسان متستر علي ... ما بعرف شو رح يكون موقفو ازا نكشف الموضوع و تسبب له بمشاكل ...

الوالد ... ازا ما صار فيه شي ( لا سمح الله ) ما بتوقّع يرحمني .. للأسف متأثّر كتير بابن تيمية ... يعني بهادك اليوم بتسألو اختي سؤال ... فجوابها بتردد بما يعتقد و بعد هيك قال بس ابن تيمية بيحكي غير هيك !!!! مع انو مقتنع برأي آخر إلّا انه يعوّل كثيرا على آراء ابن تيمية ... و طبعا بتعرف منيح ارائه في الشيعة و خصوصا الرافضة ... و قد صرّحت كثيرا بأني رافضية قبل كوني شيعية .. فتخيّل الوضع ...


أعمامي و أخوالي من شيوخ البلد المعروفين و لهم مكانات لذلك ... فهالشي ما رح يعجبهم أبدا ...

قبل فترة توفى شخص متشيّع من منطقة قريبة >>> في كتير ناس رفضوا الصلاة عليه !!!!!


اللي بيتستروا علي حاليا ناس بيحبوني .. بس ازا انكشف الموضوع ما بعرف شو ردّة فعلهم رح تكون معي ...


أغلب هدول الناس طيبين فعلا ... و يمكن المشاكل السياسية مبعدتهم عن هيك أمور ... لكن اي مجموعة بتنفر من مخالفيها ... فما بالك ان كان شخص منهم ثمّ تركهم لفكر مخالف ...

ربنا يهدي الجميع ... شاكرة لك اهتمامك