[الحاج ناده علي]

(بسم الله الرحمن الرحيم)

أفلح من صلى على محمدوآل ِمحمد

يمته أشوفك

يمته أشوفك ياگمر عن عـيني غايب * يمته أشـوفـك يا أمل وبروحي ذايب

بالســمـه عالي إو تِــنَــوِّر للـخـلايـق * وإنتَ نـورك للمحب يسـري عجايب

لوله نـورك مـامـشـه بالدنـيـه ماشـي * والمشه عن أهله رد إل هم ياغايب

إللَ ممـشـاك إل صفه غـَيـبـه ياغـالي * سـاعـته يـمـتـه تِـحـن يابن إلأطايب

يمته أشوفك ياضوه إعيوني إوأملهه * يـا حـبــيــبـي يـا أعـز كـل الحـبـايب

يمته أشوفك يـاهوى الدنيه إو أجلهه * گلبي دمعـاتي گــبــل دگـاتــــه جايب

ترضه مـانـام اللـيـالـي يـاإللي نـورك * ما يفارگ روحي تـِنـْحَـب گلبـي لايب

أحسب إسنين إو ليالي يمـته أشـوفك * وإنت تعـرف مايـِخـَيـبه الظني خايب

لوله نورك مـا أظـن يـضـوي نهاري * وإنتَ شمسي يـاحياتي تِصْـفـَه غايب

عـن عـيـون الخـلگ التذنـب دريـتـك * ما تـشـوفـك عـن ضواك الغـيـم نايب

إنـتَ تـدري آنـه مــا أنـســـه ذنـوبـي * بس وحق جدك تـبـت هـذا آنـه تايب

يمته أشوفـك وإنت تـدري بـالجـرالي * هذا مو حالي اللي يشـكي من نوايب

مرت إعله اللي يحبونك وإنت شايف * ياهُ منعـدهـه أشـتـيكـيـلك والمصايب

شَيَّـبـَتــنـي والـدمـع يـحـي الضـمايـر * حرگه للفرگه وشـَعْـري شوفه شايب

فاضل الطينه إنـخـلـقـنـه منـكـم إحنه * شيعة الأطياب إوبـيـكم ونـْهـه صايب

جدكم السمانه شــيـعـه وحــنـه حقنه * نستحقه إنـوالي حـيـدر إسـمه هـايب

هابه كـلـمـن مـا يـخـاف الله وناصُب * للـيـوالـي غـدره وحـقـاده إبـســبـايب

إلگلب من يقسـي يعـمه موعـجـيـبـه * عل أثـر تعـمه عـيـون إو مو غـرايب

قربه لله إو غـصب يـهــمـي دمعــنـه * والنِظر إلنه إو يـعـادي إبـفعـله عايب

مايهمنه إشــذبّحوا إبـديـن إو عـقيده * إحـنـه نـفـدي دمنه ولحـبـنـه ضرايب

يمته شُـوفـك وكْـحَـل الـنـاظـر بنظره * طلـعــتـك طلـعـه رشـيـده ملـهـه نايب

من هـو ويـنوبـك وغـره أنـت حميده * إحنـه ننـتـظرك دهـور إو مو عجايب

إلرگــبــنــه خَـطـَّـت أنــواع الـگـلايـد * ونـْمِلت جور إوظلم قـسـوه يا غـايب

يمـتـه شـوفك رحـمــه إنـتَ للموالـي * واللي دمعـه إتشـوفه بالحسره وتايب

يمته شـوفـك وسـولـفـلك وبـْدِموعـي * كل مصـيــبـه نـنـصـب إلمأتم نـَحايب

ورد أگـلك ســيـدي أبــجــي ويـبـجـي * إلشـوفـتـك شــيعـه خواني والگرايب

وحنه نـلطم كل عُـمـرنـه إونـاذريـنــه * إلجدك إلذبحوه ظامي إعـله إلترايب

إنظر الدمعـي يـجـيـبـك عـن هـمـومي * ما إجـه هم جالسـبـي إويوم الخرايب

الخـرابـه إلـبـلوصـايـف جـت هـنـدكـم * تنشـد النسـوه خوارج حـظـنـه جايب

گالت إلـهـه إمن المـديـنـه تـره إحـنـه * يا مديـنــه گـولـي ريحـيــنــه نِـجايب

إحنه من طيـبـه المديـنه إلي تـِنـَورت * من رســـول الله إجــاهــا بـالحـبــايب

أنـْشِدِج عن عز فخـرنـه إل هـذبـوني * طـعــمـونـي وسـهـرت لـيـل الرغـايب

عن أمـيـر المـؤمـنــيـن آنــه نشـدتـچ * فاطمه أشـرف نـَسـب لإكفء نسـايب

گولي عن بـيـت الرساله إللي ديريتي * إلحسـن شـمسـه رحـيـمـه نوره ثايب

وإنت ِنور حسين ويـاهو الدنـه نـوره * البدر يـوم الـتــمــام إلـحَـــبّــه صايب

صَـوّب الــدلال وهَـــنــدس للــخـلايـق * ذِكْـرَه للأحـرار دمع وبـصــبره طايب

إو زينب إتـعـرفـيـهـا زيـنب هَـيـبــتـي * هـايـه مـولاتـي إلأمـيـره ملـهـه نايب

يـاهـِنـِد هـاذا آنــا زيــنــب إذكـريــنـي * والحزن داهــمــنـي بـســهامـه كتايب

يا هند حـقـّج نسـيتي إل غــيْــيَــرَتـْهـا * المـصـايب من ذبح وأسـر إوعـجايب

موعجيبه حسين شِرَه حبّنه إودمعـنـه * عل رمح راســه بـدر بالـدم خضـايب

لمّه سـمعـت مِنـْها هِـنـْد إوشافت إلدم * إمْخَـضِب إحسين بجت لِعْـنَـتْ ياغايب

يمته شـوفـك سيدي إو نورك حـيـاتي * يـمـتـه أشوفك تــثـأر إل بالدم و ذايب

روحي فدوه إلإسـمه ولـدمعـاتـي آمـر * يمـتـه شـوفك ياگمر عن عـيني غايب

الحاج انور ناده علي