[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

نكـــــروا صـــــوت الهـــــادي
( عگيلـــــي )
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
نكروا صوت الهادي إو أمره === من گال إبحگ بنتـه الزهـــره
من آذاها قد آذاني === من آذاها قد آذانـي
ــــــــــــــــــــــــــــــــــــــــــــــــــ ــــــــــــــــ
ياريت إبيومچ مولاتـــــي == يم بابچ وأعلن حسراتي
وأحمي دارچ من كل آتي == وأطفيهـــــا النار إبدمعاتي
شيعي إو أعشگها الغاياتي == تلعن ظلامــــچ راياتــــي
وأفدي روحي إو أمحي الظالم === وأهتــــــف يامولاي القايــــم
ما تبرد أبداً نيراني === من آذاها قد آذانــي
ـــــ
الله العالــــم بيها آلامــي == ولحد موتي گلبي دامي
مأتــــــــم واحد كلها أيّامـــي == حَدْ ما يظهر ساگــي الظامي
إبن الزهره المهدي الحامـي == وإيحقق مولاي أحلامـــــــي
وأمشي إوياه الطيبه المهـــدي === رافع سيفي إبزودي إو جندي
ويّه الهادي أهتف آني === من آذاها قد آذانـــــي
ــــ
ضلعچ يازهره المظلومــــــه == ظل إيبث بالكون إهمومه
يلعن هالفعله المشؤومــه == يلعن أفعال الشر دومه
گلبي إبهم دايم من يومه == وَيْ أعدائــچ دوم إبحومـه
ألعن تاليهــم وأولهـــُم === قذرين إو أحقاد العدهُم
تحذير الهادي إبوجداني === من آذاها قد آذانـــــي
ـــــ
أسمع صوت إحسين إينادي == إشلــــــون إفراگ أم الهادي
ياريت إبروحي آني الفـــادي == شيعي آني إو مجموع أورادي
كلها إبحبكــــم ياأسيـــادي == حبكم قوتي إو أصبح زادي
آلام الزهـــــــــره إتأذينـــــي === دم تجري إو ما تنشف عيني
وإيظل حُب فاطم عنواني === من آذاها قد آذانــــــــــي
ــــ
أسمع زينب حسره إبحسره == من فيض إمْصايبها الزهره
شافت حيدر يخفي جمـــــره == غسّل أمها إو يجري العبره
وإختنگت حسراته إبصـــدره == وإحتار إو ما تعرف أمره
من ذاك اليوم إو مهضومــــه === صبرت ما جزعت محشومه
ولزينب كبرت أحزاني === من آذاها قد آذاني
ـــــ
ما أنسه الباب إو بسماره == والزهـــره الظلت محتاره
وإدموع الحمّاي الجــــاره == من شبّت نيران إبداره
خلي الناصب يبگه إبعــاره == يوم المهدي ياخذ ثاره
واني إوياه إو يكشف همــــــّي === وأفدي الروح إو يجري دمّي
وإبهذا المنهج إيمانــي === من آذاها قد آذاني
ــــــــــــــــــــــــــــــــــــــــــــــــــ ـــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldnk409585.mp3.html