[رياض الرسل]

نبحر وبـهـدايـه
بنص روج المنايه
من ننطي الوجه ويـن ------ بـس لـزيـارة حسيـن
بنص روج المنايه

****************
على چفوف المنايه نبحر انشوفـه
ونتعـنه الضريحه بـروح ملهـوفـه
من نوصل نشاهد شايل اچفــوفـــه
عباس اليعــزب بـيـهـن اضيــوفــه
واگف چـنـه آيـه ------ ومن فيض الهدايه
باقي بـرگبتـك ديـن
بس لزيارة حسين
بنص روج المنايه

************
نعـبـر عالمنايه ونـوصل انــزوره
لبو السجاد هــاي الـروح منذوره
يــالــرايــد تــأمـن اخــذ من نوره
كل روعك يسكنه ايحصنك بسوره
من يمه البدايه ------ والعنده النهايه
خل تتشرف العيـن
بس لزيارة حسين
بنص روج المنايه

******************
ننسه الدنيه كلها وحـبـه ما ننساه
نتمنى العــمـــر كـل العـمـر ويــاه
نتحــدى المخــاطــر والالـم والاه
وما نصـبـر بدونه احنـه وابـلـيـاه
من رب العنايه ------ صار حسين غايه
غايه وعاشت اسنين
بس لـزيـارة حسين
بنص روج المـنـايه

****************
نركض عالمنايه ويشهد المـعــبــود
وما ندري الدرب مسدود مامسـدود
نفتحلك درب وسط الگلـب ونـجـــود
مـا محــدود حـبــك ابــد ما محـــدود
كل احنه ضحايه ----- ومن نحمل الرايه
نندل الـدرب ويــن
بس لزيارة حسين
بنص روج المنايه

******************

خادمكم
رياض الرسل