[جابر النجفي]

بسم الله الرحمن الرحيم
اللهم صل على محمد وآل محمد وعجل فرجهم

ويــــــــــن الگبــــــــــر مختبــــــــــي
ــــــــــــــــــــــــــــــــــــــــــــ
ما بين هم إو أمل === كل شيعي يمّك سأل
يالمصطفه يالنبـي === وين الگبر مختبــي
كل شيعي يمّك سأل
ــــــــــــــــــــــــــــــــــــــــــــــــــ ــــ
وين الگبـــر يالمصطفـــه مَوْضعَـــه == شيعي إو غصب نار الحزن تِلسَعَه
وين الجسد حيدر علي أو دعه == لازم نــــــــزور الطاهره الشافعه
ياطه وين الگبـُــــر === ما ظل يهادي صبُر
رغما على الناصبي === وين الگبر مختبي
كل شيعي يمّك سأل
ــــــــ
يمّك أمل عندي كبر يبتدي == تمتـــــد يمينك للگبــر سيدي
وإيغور كُل ناصب غبي يعتدي == وإيحل على ذاك الترب موعدي
وأنصب مآتم حزن === گلبي عليها يــون
حُب فاطمه مذهبـي === وين الگبر مختبي
كل شيعي يمّك سأل
ـــــــــــ
ليش الوديعه إبلا صرح فاطمه == شنهو الذنب منها البده الغانمه
ريت الدمع يجري عليها دمـــــه == أغضب حزنها الفاض رب السمه
وإهتز لجلها العرش === وإدموع من دم نرش
حيدر علي ياأبــــــي === وين الگبر مختبــــي
كل شيعي يمّك سأل
ــــ
لا والنبي ما ننسه يوم الضلع == صــــوت الوديعه للأبد ينسمع
أهات من روح اليحب ترتفـــــــــع == وإعيون تجري من حزنها الدمع
ما تنتهي حسرتـي === تجري تظل دمعتي
حُب فاطمه مكسبي === وين الگبر مختبي
كل شيعي يمّك سأل
ـــــــــ
نسأل على زينب عقيلة علـــي == من شافت أمها الطاهره تنولي
ندري إبحزنها هاج ما ينجلي == والمُرتضه يمسح دمعها الولي
وإتنادي أخوها الحسن === سود الليالي إجَـن
لازم تشوف السبـــــي === وين الگبر مختبي
كل شيعي يمّك سأل
ــــــــــــ
وإشلون حالة زينب العالمــــــــــه == من فارگت أمها إو مشت فاطمه
ظلت وحيده إبلا أمل ساهمـــــــــه == زينب زغيره إو حل گلبها الظمه
وإحتار حامي الحمه === وإدموعه هلت دمه
والعين تربي ربـــي === وين الگبر مختبــي
كل شيعي يمّك سأل
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldg5v77740.mp3.html