[** مسلمة سنية **]

الأخوة من العالم و عادل بشكركم على اهتمامكم ......... و انا بعرف انو السنة ما بيكرهوا آل البيت عليهم السلام بس يا ترى مش يمكن في حقائق تم اخفاءها و يجب معرفتها ؟؟؟؟ انا من الناس اللي مقتنعة انو بدل ما الدين يتحكم بالسياسة .... فان السياسة هي اللي تحكمت بالدين .... طيب كيف بنعرف شو تخبى عنا ؟؟؟؟

بالنسبة اني ارجع لعلماء السنة اكيد هالشي صار و رح يصير .... بس للأسف الموضوع مش سهل ... اعطيكم تلت امثلة :

1- علماء من البيئة حولي : انا فعلا الي اقارب دارسين دراسات عليا في الشريعة .... و يمكن تستغربوا انو دائما في حواراتهم مع المعادين للشيعة بيكونوا اقاربي في موقف دفاع .... و طبعا الطرف التاني في الحوار مش من المتدينين انما قد يكونوا من فتح او علمانين ..... و مع هيك كنت بسمع انو المذهب الجعفري قريب النا ... كتير نقاشات صارت هيك بينهم و بين اللي بيهاجموا الشيعة ..... لكن بمجرد ما يصير الحوار بينا و تستفسر عن مذهبهم على طول بيحكوا لي لازم تنتبهي لأنهم بيتعاملوا بالتقية و بينهوا الحوار قبل ما يبدا لأنهم ما بيعرفوا اني بديت اتأثر فعلا و بيفكروا انو اسئلتي هي اسئلة عابرة ...

2- موقف حصل بالمنتديات : طرحت في احد المنتديات السنية موضوع عن الحديث الشريف الذي يتحدث عن وجود 12 امام و تساءلت عنهم في مذهبنا و عن تفسير الحديث ........ فكتبوا لي اسماء 12 خليفة و كان منهم معاوية و يزيد ....... ما بعرف بس قلبي رفض الفكرة يعني لو كنت عايشة بزمن يزيد و تم سبي نساء بيت النبي عليه و على آله اشرف الصلاة و السلام ... ما بتوقع اني كنت رح اقدر اعتبروا امام لي ... فالإجابة ما كانت شافية و لا مقنعة....

3- في منتدى تاني طرحت فيه موضوع علشان احاور فيه الشيعة عن حب آل البيت و الصحابة لبعضهم و علاقاتهم .... و قد اظهرت فيه انكاري لأخذ خلافة معاوية من سيدنا علي عليه السلام ........ المهم يمكن واحد شيعي بس اللي فات على الموضوع و باقي الردود كانت من السنة .... اللي بيحكي سنية و موالية كيف صارت ؟؟؟؟ و اللي بيحكي اعطيني اسماء مراجعك علشان نعرف اناقشك !!!! انا لهلا ما بعرف شو المقصود بمرجع ......... فكيف لما افوت باسم سنية و اسألهم عن امور بديت اقتنع فيها عند الشيعة شو رح يصير !!!!!!!!

الموضوع صعب بس اكيد انا دايما رح احاول ارجع لكتب السنة و لهيك طلبت من الإخوة اللي بيحاوروني انهم يجيبوا الأدلة من كتب السنة و مصادرها ..... فاذا ضل عندي اشكال اكيد رح ارجع اسأل عند السنة ... لحد ما اشوف مين حجتو اقوى و اقرب للقلب و العقل ......... و ربنا الموفق

اما بخصوص المتعة و ارضاع الكبير ......... فانا مليت من هاي الأمور ..... يعني هل هاي الأمور رح تمنعني ابحث عن الأصل ..... بحاول ابحث في الأصول و ليس في الفروع ........

و لكم كل الشكر