[زكي الياسري]

ذوق ما عنده الذي نـــــاوي ابتهاج
يريد راس السنـــــه يسهـر للصبـح
بعده بالدرب الضعـــــــن يا مُسلمين
وهذا راس احسين بعده اعله الرمـح

[*أحمد الكعبي*]

جرب أتعنه مشي لأرض الطفوف
وبضريح أحسين سولف دمعتك
خلي روحك بالعشگ تهوه وتذوب
راح يتراوالك أمــــــك حضنتك.

[الروح]

ماشاء الله أبدع جميع رواد الحائط

ودي للجميع

[صادق العارضي]

ربـك أمر جـبريل كلة انزل بساع
روح الحك العباس لايكلب الكاع
....
الناس صعدو للگمر بالمركبات
واحنة رحنة للگمر مشاية

منقووووووووول
احسن الله اليكم ابدعتومنا بروعة اقلامكم وردودكم الراقية
جعلها الله في ميزان اعمالكم

[جودت الانصاري]

ها قد عدنا بخفي حنين

الكلب من كثر هجرانك ,,,,,, ولم بيه

وطشّر همي لبصدري ,,,,,,,,,, ولمبيه

اذا كلبك كلب حيه ,,,,,,,,,,,,,,, ولا بيه

رحم احسنلك ادفنه بهبيه

[سفينة البحار]

مومثل البشر كلش وفيه وياي
الجروح البيه ابد مايوم خانتني
اليبعد عني منهن يرجع ويا ضيف
وما عافني رغم اخواني عافتني

[*أحمد الكعبي*]

الجرح يتشلبه أعله طولي مكابر وصابر عليه
جزع من صبر العليه وگام يلهم بس ملح
عيب گتله أستهدي بلله وأنه ناويلك صلح
شال رمحه وصوباني
وكلي من يمته أصبحت تخشه الجرح.
احمد الكعبي

[جودت الانصاري]

عتاب
كولوله الدمع خنياب ,,,
كولوله : عليش ايزقفل ابابه ,,
اذا مامش بشر
عل الباب
يمن ريحة امسنه
وجرحنه الما طاب
يا جيحة مطر بيهه الملح ما
ذاب
يا جذاب ,, يلتحسب الكل جلماتك الف
احساب
ويوم الردت اعاتب
والعتب مرفوع
لان انت اساسا ما تساوي
عتاب

[صادق العارضي]

احسنتم وبارك الله باقلامكم الرائعة
مامرن بعــــــد دارك ولاصل ولاأرتاب من عكرب ولاصل
الشدة أتبين الطيــب والاصيل

يوكفلك درع من كل رزيه
بقلمي

[جودت الانصاري]

جميل اخي العارضي
مبدع انت بحق
وددت لو كتبت الابو ذيه بطريقتها الصحيحه :
ما مرّن بعد دارك ,,,,,, ,,,,,, ولا صل
ونه المرتاب من عكرب ,,,,, ولا صل
الشده اتبين الطيب ,,,,,,,, ,,,والاصيل
يوكفلك درع من كل رزيه

مع بالغ محبتي