[آمال يوسف]

الى حبيبتي وملهمتي ونورعيني (كربلاء)

أمس جانت يتيمه وتهل دمع العين
دوّرت عن كفيل بحضرته يضمهه
صحت كربله شافت واكفلهه حسين
... وبخيط الوفه عباس لاظمــــــــهه
لازمهه الحسين إبجانب العباس
ومن جانب إحسين الكمر لازمهه
وانته إتوقع اليحرسهه هيج أبطال
ياهو اليكدر الكربله يهدمهـــــــه
ام كربله صارت لليحبهه إبشوك
ومفاتيح الجنان الباري سلمهه
مهبط كل وحي وكل نبي مرسل جان
يستأذنهه لمن راد يقدمهـــــــه
بيت الله مرّه بكل سنه ينزار
وهيه تزورهه بكل وكت وادمهه
إبمكه الناس تحرم مرّه في كل عام
وزاير كربله بكل وكت يحرمهه
ياأشرف وأعظم بقعه رب الكون
لأجل حسين والعباس عظمهه
أحب ترابهه أبقه الكطعة الأنفاس
وماأخشه اليلوم الروح لايمهه
ماسالمهه جف منين ياهو الجان
بنية بيت جف عباس سالمهه
جرّب سلّم إعليهه تكلك روح
علعباس سلم هيجي علمهــــــــــه
أنفاسج قصيده بحب أبو السجاد
أكتبهه بدموع العايله ودمهه
وإترابج شفاء لكل عليل وداء
ولكل روح بيهه المرض يالمهـــــــــــه
وكف عندي الخيال بأول الأبيات
وشفت روحي صعب من أطب عالمهه
إعجنت طيب الحسين إبغيرة العباس
لكيت بلا شعور أبياتي خاتمهــــــــــــــه

للشاعر المبدع فراس الاسدي الاسدي
من كربلاء المقدسه

[ابو ظاهر البركي !]

ياآمال يحرسك راعي كربلاء ع

قصيدة اكثر من رائعه

شكرا لكم يبنتي على هذا النقل الموفق

والشكر موصول لشاعر هذه القصيده
الرائع الاسدي



رزقنا الله واياكم شفاعة من طهرت به ارض كربلاء
واخيه واصحابه عليهم السلام



تقبلي مروري


عمك
ابو ظاهر البركي

[الروح]

بوركت الايادي غاليتي آمال ...
رائعة القصيدة جزاكِ الله خير الجزاء
تحياتي وودي

[ابوتكتم الخير]

آمل يوسف
قصيدة فيها الحنين الى كربلاء بكل حرف
أحسنت على هذا النقل المميز
ويسل المبدع الأسدي
ابوتكتم

[القلب الاسير]

بوركت الانامل التي كتبت ونقلت هذا الموضوع
تقبلي فائق تقديري
الاقل
احمد رفيش

[سفينة البحار]

نقل رائع يدل على ذوق عالي في الاختيار
احسنت واحسن الشاعر
لكم الاجر

[رياض الرسل]

السلام عليكم


نقل اكثر من رائع
من انسانه مميزه بحق
دمت لنا يارب

رياض الرسل

[حميد م]

دائماً متميزة في الانتقاء
سلمت على روعة القصيدة

نترقب المزيد من جديدك الرائع
دمت ودامت لناروعة مواضيعك

لكـ خالص التحايا

[ميثم الرماحي]

قصيدة رائعة والناقل صاحب ذوق رفيع واساس مرهف كونه اختار هذه الابيات الجميله مع خالص ودي